(Reportajen José Caet/Editor Mateus da Cruz)
DILI-Tuir planu, Aban, Prezidente Repúblika Francisco Guterres ‘Lú Olo’, sei arranka ba iha Kuala-Lumpur Malázia hodi halo tratamentu Saúde
Xefe Estadu molok hala’o tratamentu Saúde iha estranjeiru, hato’o uluk ninia karta ba Prezidente Parlamentu Nasionál Aniceto Longuinhos Guterres Lopes, horisehik loron 4 fulan Maiu.
“Prezidente repúblika aban sei ba Kuala Lumpur, Malázia, atu hala’o tratamentu Saúde,” Timor Post asesu liu hosi komunikadu imprensa ne’ebé publika iha media gabinete Prezidente Prezidensiál, Kinta (05/05).
Karta ne’ebé mak hato’o ba Prezidente Parlamentu Nasionál katak sei auzénsia hosi territóriu nasionál ho motivu asisténsia médiku.
Prezidente Repúblika sei fila fali mai Timor-Leste iha loron 13 fulan Maiu tinan 2022.
Tuir Konstituisaun Repúblika Demokrátika Timor-Leste konjuga ho artigu 10 hosi estatutu titular órgaun soberania, Xefe Estadu fó koñesimentu ba Parlamentu Nasionál molok husik territóriu.(Lee Notísia Seluk Iha Jornál Timor Post/Asesu You Tube Timor Post)
1,102 total views, 3 views today
Bele hare Video Seluk :