(Reportajen Estaziadu Mariano Abi/Asistente Editor Hermenegildo da Costa Tilman)
RAEOA (Timor Post)—Daudaun ne’e projetu reabilitasaun estrada rural ho distansia kilometro 14 hahú hosi Bihala to’o Kutete, iha Suku Costa no Bobocase, Postu Administrativu Pante Makasar, Rejiaun Administrativa Espesial Oekusi Ambeno (RAEOA), atinje ona porsentu 65.
“Progresu reabilitasaun estrada rural Bihala to’o Kutete agora daudaun atinje ona porsentu 65%, loloos ne’e sira bele termina ona, maibé tanba kondisaun udan, tanba ne’e seidauk bele finaliza,” dehan Diretór rejionál infraestrutura, Candido Dos Reis Amaral, iha ninia knaar fatin, Santa Rossa, Sesta (29/04).
Nia hatete, Projetu ne’e hahú dezde tinan kotuk, maibé servisu ne’e hahu fila fali tinan 2022. Projetu ne’e halo hosi Kompañia Lifau Indah Unipesoál Lda, ho durasaun kontratu fulan neen.
“Projetu ida ne’e, planu fiskál 2021 nian, entaun prosesu reabilitasaun ne’e ita halo kuaze fim de ano, serbisu ne’e ita hahú fali iha 2022, durasaun ba kontratu ne’e fulan neen, no agora daudaun, falta fulan balu atu bele termina serbisu ne’e,” nia dehan.
Enkuantu, total orsamentu ne’ebé maka prevé ba projetu reabilita estrada ne’e, hosi Orsamentu Jerál Estadu (OJE 2021) ho valor osan hamutuk dolar amerikanu 2,623,959.80. (Lee Notísia Seluk Iha Jornál Timor Post/ Asesu You Tube Timor Post)
740 total views, 3 views today
Bele hare Video Seluk :
Subscribe to Timorpost
