(Reportajen Jaime Pires/Editor Mateus da Cruz)
DILI (Timor Post)- Ministru Administrasaun Estatál (MAE), Miguel Perreira de Carvalho, dehan, konvite ba bainaka sira atu mai partisipa serimónia Restaurasaun Independénsia 20 de Maiu ba dala-20 seidauk sai.
“Ha’u sei konfirma fali lai ho Palásiu Prezidente ho gabinete Primeiru Ministru, tanba semana ida ne’e mak konvite foin atu sai, ne’ebé ha’u seidauk hatene konvite hira no atu haruka ba sesé,” nia dehan iha Palásiu Governu, Kuarta (27/04).
Tanba konvite ne’e sei sai husi omologu Xefe Estadu no sai husi Primeiru Ministru ba nia omologu sira inklui mós sai husi Prezidete Parlamentu Nasionál ba nia omologu sira.
“Ne’ebé ha’u seidauk iha lista kompletu kona-ba konvidadus hira mak atu sai hodi bainaka sira atu mai partisipa serimonia tinan ida ne’e,” deklara Nia.
Maibé em prinsípiu Konvida mak nasaun sira iha Ázia ne’e no mós Konvida Nasaun CPLP sira ne’e Inkluzaun vizinu husi Austrália.
Nia deklara, kona-ba preparasaun ne’e sente garante tanba Timor-Leste iha ona esperiénsia simu bainaka sira ba komemorasaun dala barak ona, tanba ne’e nia garante.
“Ne’ebé preparasaun ba 20 de Maiu tinan ida ne’e iha Tasi-Tolu to’o ona 40%, ha’u hanoin semana rua tan hanesan ne’e ita konklui ona preparasaun sira ne’e,” nia hakotu.(Lee Notísia Seluk Iha Jornál Timor Post/ Asesu You Tube Timor Post)
797 total views, 3 views today
Bele hare Video Seluk :