(Reportajen Amelia Babo/Editor Mateus da cruz)
Dili (Timor Post)– Relasiona ho ezijénsia kondutór mikrolete ne’ebé husu atu hasa’e tarifa ba kada estudante ho valór $0.20, Diretór Diresaun Nasionál Transporte Terestre (DNTT) Antonio da Costa informa, la konkorda ho ezijénsia sira no deside mantein ho tarifa ne’ebé estabelese ona.
“Mski ami simu ezijénsia husi kondutór transporte públiku husi 01-012 maibé ami la autoriza estudante sira selu sentavu 0,20 tanba sira sei estudante laiha osan buat hotu sira depende ba inan aman maka fó osan ba sira,” nia dehan ba Timor Post iha nia servisu fatin Balidi, Kuarta (27/04).
Lee Notisia Relevante : Kondutór Mikrolete Ezije Hasa’e Tarifa ba Estudante
Nia hatete, To’o agora DNTT rasik seidauk iha desizaun ida ba transporte públiku sira liu-liu mikrolete 01-012 atu hasae tarefa tuir sira nia hakarak maski mina kombustivel folin sa’e.
Tuir nia, Problema mina kombustivel ho nesesidade báziku folin sa’e iha merkadu la’ós iha Timor Leste de’it maibé, problema ne’e mundiál impaktu husi funu Ukránia ho Rúsia ne’ebé oras daudaun kontinua hela ida ne’e maka impede hela sasán importasaun husi rai li’ur mai rai laran.
“Tanba ne’e maka ami husu ba motorista transporte públiku sira iha territóriu laran tomak labele hasae tarifa tuir sira nia hakarak maski mina kombustivel no sasán nesesidade báziku folin sa’e iha merkadu”, nia apela.(Lee Notísia Seluk Iha Jornál Timor Post/ Asesu You Tube Timor Post)
1,296 total views, 3 views today
Bele hare Video Seluk :