(Reportajen Estaziadu Cardenio Alves/Editor Mateus da Cruz)
DILI (Timor Post)-Relasiona ho folin nesesidade báziku ne’ebé agora sa’e maka’as, Movimentu Universitáriu Timor Leste (MUTL), ezije ba governu liu-liu ministériu relevante atu kontrola emprezáriu sira ne’ebé aproveita situasaun ida ne’e hodi manipula presu sasán iha merkadu.
MUTL nota katak emprezáriu sira ne’ebé maka importa sasán halo manipulasaun ba folin sasán tuir sira nia hakarak, tanba aproveita ho situasaun festa demokrasia ida ne’e atu bele nesesita fali ba emprezáriu sira nia interese.
“Ita hotu hatene katak daudaun ne’e povu tomak preokupa hotu ba rezultadu eleisaun segunda volta no emprezáriu sira ne’ebé maka importa sasán manipula sasán folin hodi aproveita fali situasaun festa demokrasia ida ne’e ba sira nia interese,” dehan Portavós, Denis Sabaku, iha konferensia imprensa ne’ebe realiza iha Kampus Sentral UNTL, Liseu, Kuarta, (27/04).
Nia husu ba Ministériu Komérsiu liu hosi diresaun AIFAESA atu tun ba terrenu hodi kontrola maka’as ba folin sasán iha merkadu no presiza aplika sansaun no multa ba emprezáriu sira ne’e. Tanba impaktu hosi empreariu sira nia hahalok manipulasaun halo povu kbiit laek sira susar atu sosa hodi responde ba nesesidade familiar. (Lee Notísia Seluk Iha Jornál Timor Post/Asesu You Tube Timor Post)
606 total views, 3 views today
Bele hare Video Seluk :