(Reportajen Jaime Pires/Editor Mateus da Cruz)
DILI (Timor Post)- Rezultadu ezekusaun Orsamentu Jerál Estadu (OJE) 2022 ba trimestre dahuluk atinji ona 8% ho valór orsamentu Millaun 160,8 USD.
“Ministru Finansas halo aprezentasaun ida kona-ba ezekusaun orsamentál relativa ba trimestre dahuluk tinan 2022 nian. Iha períodu loron 1 fulan Janeiru to’o 31 Marsu, ezekusaun orsamentál 8%, ho valór dolar amerikanu millaun 160,8,” dehan Ministru Prezidensiál Konsellu Ministru, Fidelis Manuel Leite Magalhaes, iha Salaun Ministériu Finansas Aitarak-Laran, Tersa, (26/04).
Nia hatete, husi valór ne’e, 24% (millaun 60,5 USD) korresponde ba kategoria saláriu no vensimentu, 9% (millaun 46,4 USD) uza ona ba Beins Servisus, ezekuta ona 7% (millaun 49,6 USD), iha kapitál dezenvolvimentu iha ezekusaun 1% (millaun 4 USD) no iha kapitál menór 0,4% (206 mill USD).
Ministériu sira ho persentajen ezekusaun ne’ebé boot iha periodu ida-ne’e maka Ministériu Negósiu Estranjeiru no Kooperasaun atinje ona 33% (millaun 8,3 USD), Prezidénsia Konsellu Ministru, ho 26% (millaun 1,2USD ) no Ministériu ba Assuntu Kombatente Libertasaun Nasionál ho totál ezekusaun 24% (millaun 23,6 USD).(Lee Notísia Seluk Iha Jornál Timor Post/Asesu You Tube Timor Post)
1,036 total views, 3 views today
Bele hare Video Seluk :