(Reportajen Natalino Sequeira Ello Abani/Asistente Editor Hermenegildo da Costa Tilman)
Dili (Timor post)–Reprezentante Santa Sé iha Timor-Leste Monseñór Marco Sprizzi, ohin hetan vizita husi Ministru Prezidénsia Konsellu Ministru, Fidelis Leite Magalhães, hodi ko’alia kona ba oinsá bele hametin di’ak liu tan relasaun diplomata entre Vatikanu ho Timor-Leste ba oin.
“Ita hatene katak Timor-Leste hanesan nasaun maioria relijiaun katólika iha mundu, ita mós iha relasaun diplomátiku di’ak ho Santa Sé ninia reprezentasaun iha Timor mak liu husi Monseñór Marco Sprizzi maka iha ne’e, ne’ebé relasaun ne’e tenke hanesan tau beibeik bee atu nune’e relasaun diplomata ne’e nafatin buras di’ak liu tan ba oin” dehan Fidelis Magalhães, ba jornalista sira iha Resintu Santa Sé Motaél, Segunda (25/04).
Nia hatete, husi soru mutu ohin, importante mak oinsá bele hametin relasaun diplomata entre estadu rua ne’e di’ak liu tan iha futuru mai, tanba Vatikanu ho Timor-Leste hanesan nasaun estadu soberanu.
“Ha’u orgullu tebes tanba bele konversa pesoál ho reprezentante Santa Sé, Monseñór Marco Sprizzi, buat barak mak ha’u hetan husi soru-mutu ne’e, ha’u fiar katak buat ne’ebe mak ami ko’alia iha soru mutu ne’e sai hanesan save ida mai ita hodi hametin diak liu tan relasaun diplomata di’ak liu tan” nia dehan.
Soru mutu ida ne’e hanesan vizita kortezia atu ko’alia kona ba asuntu oi-oin inklui mós relasaun diplomata rasik no instalasaun foun infraestrutura resintu Santa Sé nian ne’ebe agora mo’o s ona no ita hare furak tebes.
Infelizmente ho faze ida ne’ebe ita konsege konkista Timor-Leste hamutuk ho Vatikanu liu-liu iha fatin ida ne’e Vatikanu ninia investimentu ho kontribuisaun boot hodi hametin di’ak liu tan relasaun diplomata iha futuru mai, hakotu. (Lee Notísia Seluk Iha Jornál Timor Post/Asesu You Tube Timor Post)
790 total views, 3 views today
Bele hare Video Seluk :