(Reportajen Suzana Cardoso)
DILI (Timor Post) – Kandidatu Prezidente Repúblika ho númeru sorteiu ida (1) José Ramos Horta (JRH) nia votu domina iha Sentru Votasaun (SV) Comoro kompara ho Kandidatu Prezidente Repúblika atuál Prezidente Repúblika ho númeru sorteiu rua (2) Francisco Guterres Lu Olo.
Iha Suku Comoro, Postu Administrativu Dom Aleixo nia populasaun ne’ebé barak liu iha Kapitál Dili. Hosi SV; 12 de Outubru provisoriu iha kaixa dahuluk Kandidatu JRH ho total votu 593 no Lu Olo ho total votu 131. No kaixa daruak ho total votu JRH 586 no total votu Lu Olo 118.
Iha SV Terra Santa Bairru BTN 3 ho total votu ba JRH na’in 709 no total votu ba Lu Olo na’in 131 no SV iha Colegio São Miguel (CSM) hosi Kandidatu JRH ho total vota 871 no Kandidatu Lu Olo ho total votu 184.
No iha SV eskola 30 Agostu Comoro parte Suku Madohi nian ho total votu hosi Kandidatu JRH ho total votu 1.018 no Kandidatu Lu Olo ho total votu 552. Iha SV Nicolau Lobato hosi JRH 1.256 no Kandidatu Lu Olo 338.
Nune’e total votu ne’ebé konsege Timor Post halibur hosi kontributor iha terenu; hosi Kandidatu JRH ho total votu 5.033 kompara ho Kandidatu Lu Olo iha de’it total votu 1.454.(Lee notísia seluk iha jornál Timor Post/Asesu You Tube Timor Post)
969 total views, 3 views today
Bele hare Video Seluk :