(Reportajen Estaziadu Jacinto Caet/Editor Augusto Sarmento)
DIL-(Timor Post)-Prezidente Parlamentu Nasionál (PPN), Aniceto Longuinhos Guterres Lopes, hein hela bainhira kandidatu numeru sorteiu 1, Jose Manuel Ramos Horta, eleitu ba Prezidente Repúblika, prontu atu bele fó pose.
Tuir nia, Parlamentu nasionál atu legalidade tenke desizaun hosi tribunal rekursu, labele ho deklarasaun polítika hodi kestiona titular ba órgaun soberania nian.
Prezidente Parlamentu nasionál afirma, tenke konfirma ho tribunal rekursu Kona bá legalidade hodi foti desizaun ruma.
“Bainhira kandidatu Ramos Horta re-eleito prontu fo toma posse ba nia. Se nia re-eleito atu disolve parlamentu ne’e programa ninian, atu realiza ka la-realiza problema ninian,” Aniceto informa hafoin votu hotu iha Sentru Votasaun Eskola Bazika Sentral Farol, Tersa (19/04).
PPN esplika, Parlamentu nasionál povu mak hili, laiha ameasadu, órgaun reprezentativu povu nian, buat hotu tenke la’o tuir konstituisaun Repúblika Demokrátika Timor-Leste.
Tanba ne’e, nia husu kuandu kandidatu José Ramos Horta, eleitu duni ba presidente Repúblika períodu 2022-2027 tenke kumpre rekizitu konstituisaun nian, tanba buat hotu la’o tuir lei.
“Kona-ba Jose Ramos Horta atu disolve Parlamentu ita hotu hatene ona, antes kampaña primeiru ronde”, katak Aniceto.
Nia hatutan, kandidatu Jose Ramos Horta dehan Parlamentu nasionál ilegál, entaun tenke hatudu desizaun husi tribunal rekursu katak ilegál.
Enkuantu kestiona Presidente Parlamentu Nasionál ilegál, tenke ho deklarasaun baibain la’ós ho polítika, presiza ho desizaun legal husi tribunal rekursu nian.(Lee Notisia Seluk Iha Jornal Timor Post/Asesu You Tube Timor Post)
612 total views, 3 views today
Bele hare Video Seluk :