(Reportájen Jeremias Soares/Editora Suzana Cardoso)
DILI (Timor Post) – Primeiru Ministru Taur Matan Ruak iha eleisaun segunda ronda vota Kandidatu Prezidente Republika numeru-2 Franscisco Guterres ”Lu Olo’ no garante ninia kandidatu sei manan.
“Vota numeru-2. Kuandu, tuun para manan. Lá lakon. Ha’u la preparadu para lakon. Maibe manan”, Taur dehan ba Jornalista hafoin ezerse nia diretu votu iha Sentru Votasaun Eskola Primária Aldeia 17 Abril iha Suku Met-Aut, Tersa, (19/04).
Taur hatete, ba oin prioridade mak hametin estabilidade politika, governativa, dudu dezenvolvimentu ba oin, kombate ki’ak no mukit iha Timor Leste. Ne’e mak prioridade ba Governo.
Primeiru Ministru Taur Matan Ruak apela ba povu atu hakmatek no prepara-an para servisu maka’as liutan. Koopera ho Governu, ami iha programa barak ke hakarak ajuda dezenvolve no hadi’a povu nia moris”, Taur subliña.
Entertantu Xefe Governu too iha Sentru Votasaun Eskola Primária Aldeia 17 Abril Suku Meti-Aut, oras 10:00 hodi ezerse diretu votu hanesan sidadaun. Iha votasaun ronda daruak ne’e lá hetan akompaña hosi ninia espoza Isabel da Costa Ferreira. (Lee notisia seluk iha jornal Timor Post/Asesu You Tube Timor Post)
605 total views, 3 views today
Bele hare Video Seluk :