(Reportajen Estaziádu Mariano Abi/Editor Mateus da Cruz)
Dili (Timor Post) – Diretora Armazein Servisu Autónomu Medikamentu no Ekipamentu Saúde (SAMES), Saturlina Ximenes, hatete, daudaun ne’e produtu abate kilograma 1700 no Melathion litru 1400 maka rai hela iha Armazein SAMES, tanba ne’e sufisiente hela atu atende nesesidade sira emerjensia.
“Kona ba Stock ne’ebé mak ita iha Abate ho Melathion ne’e, SAMES sosa ne’e iha 1400 Litru, no Abate ninia maka 1700 Kilograma ne’ebé mak agora daudaun iha SAMES,” nia dehan ba jornalista sira iha kna’ar fatin Armazein SAMES, Kampu Alor, kinta (07/04).
Nia hatete, foin daudaun ne’e SAMES mós hetan tan doasaun hosi governu Australia liu hosi nia Embaixada iha Timor Leste.
“Australia mós oferese mai ita hamutuk 50 droom, nune’e droom ninia isin ne’e, Abate nian 25 kg, no ba Melathion ne’e 20 Liter mak iha laran,” nia dehan.
Tanba ne’e diretora ne’e hatete, produtu Abate no Melathion daudaun ne’e sufisiente hela atu atende ba Hospital no fasilidade saúde sira.
“Stock daudaun ne’e ita iha disponivel hela, stock Abate ne’ebé mak ita distribui ona ba Ministériu Saúde liu husi Saúde Ambientál hodi distribui tan ba iha fasilidade saúde sira no ba ita nia komunidade ninia nesesidade hamutuk kilograma 1250 ne’e Abate, kona ba Melathion ne’e hamutuk 1000 litru ne’ebé mak ita distribui ona ba iha MS liu husi departamentu Saúde Ambientál,” nia relata.
Enkuantu, ba ninia definisaun ne’e, depende husi pedidu, kuandu pedidu halo ona SAMES bele atende. (Lee Notísia Seluk Iha Jornal Timor Post/ Asesu You Tube Timor Post)
1,244 total views, 3 views today
Bele hare Video Seluk :