(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Prezidente Asosiasaun Tane Konsumidór (ATK), Antonio Ramos, husu ba governu atu rezolve problema sasán folin sa’e iha merkadu tanba tuir Tane nia observasaun governu ladún tau atensaun maka’as atu kontrola sasán folin sa’e inklui kombustivel.
Tuir dadus hatudu iha loron 28 fulan Fevereiru, presu gazóleu ho gazolina 1,10 USD kada litru,, mais iha loron 05 fulan ne’e, gazóleu sa’e ba 1,27 USD no gazolina 1,37 USD ida ne’e hatudu katak, iha semana tolu nia laran, ninia aumenta inflasaun sa’e entre gazóleu ho gazolina 15 % ba 21%,” kompara ho ETO sa’e de’it ba 9% problema ne’e iha saida.
Lee Notisia Relevante : Governu Sei Buka Mekanizmu Rezolve Folin Mina Sa’e Iha TL
“Ami husu ba Ministériu Komérsiu, atu tuur hamutuk ho Asosiasaun Operadór sira hodi foti medida rezolve problema ne’e, tanba agora tendénsia merkadu ita nian hatudu katak, iha situasaun krize hanesan ne’e, labele husik merkadu auto regulariza, Estadu tenke rezolve preokupasaun ba problema sasán folin sa’e ne’e merkadu,” nia dehan ba jornalista sira liu husi Konferénsia Imprensa iha servisu fatin, Vila-Verde, Kinta (07/04).
Nia hatete, iha semana tolu nia laran de’it folin mina gazóleu no gazolina sa’e makas kompara ho fulan Fevereiru liu ba, no seidauk tan sasán konsumu seluk, fó afeta boot ba konsumidór sira atu sosa.
Nune’e nia husu ba órgaun kompetente sira haree hodi buka solusaun ba oinsá mak bele resolve problema sasán folin sa’e ne’e, hodi la afeta ba povu nia konsumidór, hakotu. (Asesu Notísia Seluk Iha Jornál Timor Post/ Asesu You Tube Timor Post
1,249 total views, 3 views today
Bele hare Video Seluk :
Subscribe to Timorpost
