(Reportajen Jaime Pires.Editor Mateus da Cruz)
Dili (Timor Post)-Iha tinan ida ne’e governu sei loke vaga hamutuk 866 ba funsionáriu públiku iha ministériu hotu-hotu.
Prezidente Komisaun Funsaun Públika (KFP), Faustino Cardoso informa, ohin, komisaun funsaun públika, partisipa enkontru konsellu ministru hodi fó esplikasaun téknika ba proposta rezolusaun governu nia kona-ba definisaun vaga ba promosaun funsionáriu públiku husi rejime jerál nian ba tinan 2022 ninian
Hafoin halo esplikasaun téknika, membru konsellu ministru sira aprova ona maibé parte tékniku presiza hadi’a tan parte balun hanesan númeru vaga balun sei sala entaun presiza hadi’a molok halo publikasaun tinan 2022 ne’e.
“Proposta ne’e ita define vaga hamutuk 866 ba funsionáriu Públiku rejime jerál nian ne’ebé prienxe kritériu no kondisaun atu tuir promosaun ne’ebé iha tempu badak komisaun sei públika sai iha tinan 2022 ne’e,” nia dehan Nia iha Palásiu Governu, kuarta (06/04).
Nia parte mós ohin halo definisaun montante osan ba vaga hamutuk 866 ne’e, tanba ne’e tuir sira nia analiza vaga ne’e sei fó implikasaun orsamentu hamutuk rihun haat resin.
“Maibé la’ós ba Orsamentu Jerál Estadu 2022 ninia, maibé sei tama iha orsamentu 2023 ninian. Tanba sira ne’ebé mak sei tuir teste vaga depois ikus mai sei promosaun ne’e sei konta iha loron dahuluk fulan Janeiru 2023 ninia,” tenik Nia.
Tanba ne’e bainhira dekretu Governu ne’e públika sai, sira nia parte mós sei hahú loke vaga hamutuk 866 ba Ministériu hotu-hotu, hafoin sira teste liu, sei halo mós promosaun ba sira nia grau. (Lee notisia seluk iha Timor Post/Asesu You Tube Timor post)
950 total views, 6 views today
Bele hare Video Seluk :
Subscribe to Timorpost
