(Reportajen Jaime Pires/Editor Mateus da Cruz)
Dili (Timor Post)- Ministériu Interior kritika servisu Ministériu Públiku (MP) tanba durante ne’e la aplika sansaun todan ba sidadaun sira ne’ebé tama sai ilegalmente liu hosi fronteira.
Vise Ministru Interior, Antonio Armindo, hatete, durante ne’e nia parte halo servisu maka’as hodi orienta PNTL halo vijilánsia másimu iha fronteira no konsege kaptura ema ne’ebé mak tama ilegál, maibé hafoin entrega ba ministériu públiku ikus mai la fó sansaun ne’ebé todan.
“pelumenus ministériu públiku tenke trata asuntu ne’e ho sériu, se ita la aplika sansaun ne’ebé mak rigor ba sira, individu ne’ebé mak halo movimentu ilegal sira kontinua halo, sira dehan tan ohin kaer ha’u aban husik fali, entaun ema la ta’uk sei kontinua halo nafatin,” Nia dehan iha Hotel Timor, Tersa (05/04).
Nia hatete, durante ne’e nia parte mós halo ona audiénsia ho ministeriu públiku dala rua, hodi ko’alia kona-ba asuntu ne’e maibé to’o agora la konsege.
“hanensan ami implementador hodi tau matan ba seguransa iha fronteira ne’e ita rigor, tanba ne’e mak ita halo vizilansia no kaptura ema, maibé nu fím ita lori ba ministériu públiku ne’e ami nehan laiha ona atu tata,” hakotu.(Lee notisia seluk iha Timor Post/Asesu You Tube Timor post)
804 total views, 6 views today
Bele hare Video Seluk :
Subscribe to Timorpost
