ADVERTISEMENT

Privatiza Fundu Rezerva 7,507.75 USD, MP Alega Funsionáriu PN Na’in Ida Kadeia Tinan 3

Mateus da Cruz - Dili
  • Share
Tribunal Distrital Dili, Imajen Google

(Reportajen Cesaltina Ximenes/Editor Mateus da Cruz)

DILI— Ministériu Públiku liu hosi Prokuradór titular, Adérito Tilman, husu ba tribunál atu aplika pena prizaun tinan 3 suspende ho ezekusaun Pena hanesan ba arguidu Justinu tanba provadu privatiza osan fundu rezerva ho montante 7,507.75 USD.

ADVERTISEMENT
SCROLL FILA BA NOTISIA


Iha prosesu alegasaun ikus ne’e Prokuradór titular, deklara pozisaun Ministériu públiku nian klaru tanba arguidu rasik konfesa faktu liu hosi prosesu kontestasaun ne’ebé submete ba tribunal koletivu.

Katak hosi totál orsamentu ne’ebé arguidu privatiza, daudauk ne’e arguidu devolve hotu ona ba kofre estadu.

Tanba ne’e mak Ministériu Públiku husu ba Tribunal atu aplika pena prizaun tinan 3 suspende ho ezekusaun pena hanesan.

Enkuantu, parte defeza arguidu nian, mantein deklarasaun ne’ebé iha, defeza mós husu tribunal atu tetu mós sirkunstánsia etenuante sira seluk, hanesan arguidu nia arrependimentu iha tribunal, arguidu mós nu’udar ema kazál ne’ebé iha responsabilidade boot ba nia oan sira ne’ebé sei iha faze estudu nivel edukasaun.

Tanba nee defeza laiha pozisaun, maibé husu de’it ba tribunal pena ida adekuadu liu.

Lee Mós :
Ai-moruk Simvastatin ho Dexamethasone La Pasa iha Teste Kualidade iha Australia

Rona tiha parte rua nia pozisaun, tribunal koletivu deside adia ba loron 08 fulan Abril 2022, tuku 14h:00 lokraik hodi rona leitura akordeaun.

Ba prosesu ne’e iha audiénsia, arguidu Justino De Jesus Salsinha Babo, konfirma, total osan ne’ebé mak iha rasik selu hotu ona.

Entretantu kazu krime Pekulatu ne’e rejistu ho númeru 0097/20.PGGCC, kona bá faktu sira dehan deskonfia Arguidu Justinho de Jesus Salsinha Babo hanesan funsionáriu Públiku iha diresaun apoiu parlamentár iha parlamentu Nasionál.

Iha loron 09 fulan 2019 prezidente komisaun E ne’ebé trata asuntu infraestrutura, deputadu Abel Pires da Silva hato’o pedidu ida ba prezidente parlamentu Nasionál hodi apoiu fundu rezerva ho montante U$ 10.000 atu uza ba estudu komparativu ba deputadu sira iha china no Macao iha loron 30 Jullu to 14 fulan Agostu 2019.

Nune’e iha loron 23 fulan Jullu 2019, prezidente parlamentu Nasionál aprova fundu rezerva refere.

Tanba nee iha loron 02 fulan Setembru 2019 hosi prezidente komisaun E, halo tan karta ida ba prezidente parlamentu Nasionál hodi informa kona ba alterasaun bá loron deklarasaun deputadu komisaun E nian atu ba iha repúblika China.

Lee Mós :
Promove Produtu Lokal, LHA Harii Armazena rua Fasilita Konsumidor

Iha loron 03 fulan Setembru 2019 señora ida ho naran lina Fatima Batista hanesan ofisial finansas prepara payment request no sertifikadu ba Zélia Maria da Costa Fatima ne’ebé hetan aprova hosi Adelino Afonso de Jesus.

Iha loron hanesan Herman de O. Soares, Lina Fatima Batista prepara sira nia dokumentu kometimentu ida ho voucher ho sertifikadu ba Zélia tanba autoriza hosi Adelino Afonso de Jesus.

Iha loron 04 Fulan Setembru 2019 finansas hosi parlamentu nasionál fo check ho númeru serial 0017321 ho montante US 10.000. Ofisial finansas Izabél Abel Ximenes entrega osan fundu rezerva ne’e ba arguidu Justino de Jesus Salsinha Babo, hodi uza ba estudu komparativu ba deputadu sira iha komisaun E iha China no Macao.Iha 19 Setembru 2019 deputadu sira komesa viajen hosi Timor Leste.

Iha loron 23 Setembru 2019 prezidente komisaun E, deputadu Abel Pires da Silva haruka karta ida ba sekretaria jerál Parlamentu Nasionál Cedelizia Faria do Santos atu informa kona bá viajen durante estudu komparativu iha China no Macao hodi utiliza osan ho montante U$ 2,492.25, no komisaun se devolve osan restu U$ 7,507.75.

Lee Mós :
Komunidade Muslimanu Oferta Karau 13 Selebra Idul Adha

Enkuantu osan restu seluk iha arguidu Justino, ne’ebé too agora seidauk devolve fila ba kofre finansas parlamentu nian.

Arguidu própria osan fundu rezerva komisaun E nian ho montante US 7,507.75 ne’ebé la destina ba atividade estudu komparativu nian, tanba uza ona ba interese privadu.

Hosi arguidu nia hahalok ne’e estadu lakon osan ho montante ne’ebé boot tanba ne’e Ministériu Públiku akuza arguidu ho krime pekulatu ne’ebé previstu iha artigu 295 númeru 3 iha kódigu penal.

Ikus ba prosesu ne’e sei prezide hosi Juis Ana Paula Foncheca, parte Ministériu Públiku reprezenta prokuradór Adérito Tilman, no arguidu hetan asisténsia legal hosi advogada privadu.(Asesu Notísia Seluk Iha Jornál Timor Post/ Asesu You Tube Timor Post)

 730 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Privatiza Fundu Rezerva 7,507.75 USD, MP Alega …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No