(Reportajen Jose Mauno/Editor Mateus da Cruz)
DILI— Kandidatu Prezidente Repúblika períodu 2022-2027 ho númeru sorteiu 16, Mariano Assanami Sabino Lopes sente triste tanba sidadaun barak mak la vota liuliu joven millennial sira.
“Triste boot ida ba ita hotu tanba ita nia demokrasia la’o lentu liuliu valores demokrasia iha terenu ladún adekuadu tanba ema lubuk ida laiha direitu atu vota hanesan joven millennial”, nia dehan ba jornalista sira iha PN, tersa (22/03).
Nia hatete, governu liu-iu STAE atensaun ba problema ne’e tanba joven barak tebes maka tau tiha naran la ba munisípiu maibé ikus mai naran laiha tenke lakon sira nia direitu.
“Ida ne’e ba oin tenke hadi’a, tenke garantidu mekanizmu para ema hotu vota. Tanba ita ta’uk de’it manipulasaun no vota dala rua, maibé kuandu ema derrepente moras, razaun forte nia bele hakerek naran de’it, tenke iha mós sistema ida di’ak labele manual beibeik”, nia hateten.
Tuir nia, durante kampaña ne’e momentu ida atu hato’o ninia programa ho argumentasaun forte, kle’an no TL tenke sai nasaun ida nakonu ho hanoin hodi estadu ba oin maibé la akontese.
“Ha’u hanoin votu ne’e tenke iha responsabilidade, ema kandidatura barak iha kualidade, hakarak kontribui ba rai ne’e atu la’o oinsá maibé votu ne’e zero porsentu sa’e mak 1 porsentu”, nia dehan.
1,654 total views, 3 views today
Bele hare Video Seluk :
Subscribe to Timorpost
