(Reportajen Jaime Pires/Editor Mateus da Cruz)
Dili (Timor Post)- Portavós Tenente Jenerál, reformadu, Lere Anan Timur, Flavio Simoes, dehan, Lere la konsege hasoru malu ho Marí Alkatiri iha rezidénsia tanba la iha karta ofisiál ida antes ba ekipa hodi fó hatene ba Lere.
“informasaun loos mak ne’e, la’ós Jenerál lakohi hasoru Alkatiri, maibé Jenerál sai tiha ba toos iha Metinaru, tanba ne’e mak la hasoru, nune’e mós antes ne’e Marí Alkatiri la iha karta ofisiál ida antes ba ekipa hodi fó hatene ba Jenerál katak loron ne’e atu hasoru Mari Alkatiri, tuir loos tenke haruka uluk karta ofisiál ruma mai,” nia dehan liuhusi konferénsia imprensa iha, Sede Pantai-Kelapa, Tersa (22/03).
Nia hatete, Sekretáriu Jerál Partidu FRETILIN, Marí Alkatiri, ba ne’e maizumenus iha tuku neen atu ba tuku hitu dadeer, entaun iha oras ne’e Lere laiha fatin hodi hasoru malu.
“Iha momentu ne’ebá, dadeer tuku lima de’it Jeneral Lere hadeer sai tiha ba tiha toos iha Metinaru tanba durante kampaña ne’e tempu naruk nia la bá haree toos iha Metinaru, entaun horisehik nia hadeer sedu entaun nia bá tiha, hodi ba hili batar,” nia konta.
Tan ne’e nia lori ekipa nia naran husu deskulpa tanba, relasiona ho fotografia Marí Alkatiri nian ne’ebé mak agora sai viral iha mídia sosiál.
897 total views, 3 views today
Bele hare Video Seluk :