ADVERTISEMENT

Votante Kuaze 200-Resin Halo Protesta Tanba La Tuir Votasaun

Timor Post - Internasional
  • Share
Situasaun iha Sentru Votasaun Paralelu (SVP) Eskola Tékniku Vokasionál (ESTV) Bekora simu de'it sira ne'ebe naran iha ona lista. (Foto Timor Post/Isabeli Ermelita)

(Reportajen Isabel Ermelita/Editora Suzana Cardoso)

DILI (Timor Post) – Tanba la konsege ezerse sira nia direitu iha eleisaun prezidensiál tinan 2022 nian, maka votante besik 200-resin iha Sentru Votasaun Paralelu (SVP) Eskola Tékniku Vokasionál (ESTV) Bekora halo protesta hodi ezize sira nia direitu.

ADVERTISEMENT
SCROLL FILA BA NOTISIA


“Ha’u husi Lospalos, ha’u hakarak vota iha ne’e. Maibé sira dehan labele,” hateten ida hosi Votante hirak ne’ebé la konsege ezerse sira nia votu, Olinda Ximenes ho idade 70-resin husi munisípiu Lospalos tanba sira nia naran la rejistu.

Maski nune’e komunidade  besik 200-resin ne’e, inklui Olinda sei tuur hein, ho esperansa bele hetan autorizasaun ba sira atu ba vota iha Eskola Tékniku Vokasionál (ESTV) Bekora, iha loron Sábadu, (19/03).

Sentru Votasaun Paralelu (SVP) Eskola Tékniku Vokasionál (ESTV) Bekora ne’ebé nakonu ho votante atus ba atus. (Foto Timor Post/Isabel Emelita)

Nia hateten, durante ne’e la konsege ba rejistu hodi halo votasaun iha sentru votasaun paralelu iha Dili tanba la hetan informasaun. Nune’e, nia husu ba governu, para atu bele autoriza sira tuir vota hodi hili kandidatu ne’ebé sira hakarak vota.

Lee Mós :
SEPS-UN Women Asina Parseira Promove Redusaun Risku Dezastre Sensivel ba Jéneru

Preokupasaun hanesan hato’o mós husi Abel do Carmo  ne’ebé  ho kartaun eleitorál Munisípiu Vikeke no natural husi Munisípiu Kovalima ne’e mós lamenta ho situasaun ne’ebé halo sira  labele ezerse sira nia direitu iha loron votasaun ne’e.

“Ami atu ba munisípiu maibé, ami osan laiha atu selu transporte. Tanba ne’e mak ami mai iha ne’e no hakarak vota iha ne’e. Maibé to’o tiha iha ne’e la autoriza fali ami atu ba vota. Tuir loloos ne’e labele akontese,” lamenta Abel.

Hatán Timor Post kona ba  antes ne’e halo ona rejistu iha sentru votasaun paralelu, katak Abel, la rejistu tanba la asesu informasaun kona-ba ida ne’e hodi hatutan, “Maibé ami la preokupa ho ida ne’e. Importante mak ami tenke vota.  Ami hakarak fó ami nia votu.”

Lee Mós :
Kambodia Apoiu Maka'as Timor-Leste Atu Tama Iha ASEAN

Entretantu bainhira Timor Post konfirma asuntu ne’e ba iha Prezidente Sentru Votasaun ESTV Bekora, Domingas Soares esplika, sira atende de’it naran ne’ebé tama iha lista laran. Ba sira ne’ebé naran laiha labele atende.

“Ami so atende de’it naran sira ne’ebé iha lista. Kuandu laiha iha lista, ne’e labele. Kuandu ha’u simu sira, entaun ne’e ha’u sala. Nune’e di’ak liu lalika, tanba sira ne’e la rejistu,” Brigada Domingas hateten.

Nia parte moos simu complain, katak sira balun rejistu naran iha suku. Maibé sira nia naran la tama iha lista STAE nian. Entaun sira moos labele vota, hodi hatutan “Ami servisu tuir lei ne’ebé iha.”

Portantu, Observadór internasionál husi nasaun CPLP, José Guerreiro Alves, observa katak votasaun iha sentru votasaun ne’e la’o ho demokrasia.“Ha’u haree buat hotu la’o ho di’ak, ne’e demokrasia,” Jose hateten.

Lee Mós :
PM Portugal Vizita Parlamentu Nasionál

Husu kona-ba oinsá ninia haree ba votante sira husi munisípiu ne’ebé la konsege ezerse sira nia diretu, katak José sira tenke rejistu kuandu hakarak vota iha ne’e.Tenke tuir lei ne’ebé iha.

Tuir observasaun ne’ebé Timor Post nota iha fatin refere, maioria votante husi munisípiu Lospalos, Baukau, Vikeke, inklui Manatutu maka labele vota iha Dili. Votante sira ho idade ferik, katuas, maioria joven feto no joven mane,(Lee notísia seluk iha Jornál Timor Post/Asesu You Tube Timor Post)

 944 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Votante Kuaze 200-Resin Halo Protesta Tanba La …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No