(Reportajen Mateus da Cruz/Editor Marcos Fernandes)
DILI—Impaktu hosi naran iha lista votante laiha, funsionáriu no pesoál saúde iha Hospital Nasionál Guido Valadares (HNGV) lamenta tebes ho Sekretariadu Tékniku Administrasaun Eleitorál (STAE) nia servisu.
“Ami lá satisfás ho lista ne’ebé maka STAE sira halo ne’e, tanba ami barak maka naran laiha lista votante”, Pesoál Saúde Isolante Soares hato’o nia lamentasaun ne’e ba jornalista sira iha Sentru Votasaun HNGV, Sábadu (19/03).
Isolante hatete, lista naran funsionáriu HNGV hamutuk 363 maka haruka ba iha STAE, maibé to’o loron eleisaun atu ba vota naran iha lista laiha.
Nia konfuzaun o servisu STAE tanba lista iha li’ur naran iha, nia parte konfirma ba ho brigada sira maibé dehan naran ne’e bazeia ba lista hosi STAE.
Alende ne’e Diretór Administrasaun Finansas no Lojístika HNGV, Raul Humberto Gama, hatete, tuir dadus ne’ebé mak HNGV haruka ba iha STAE hodi tuir votasaun ne’e hamutuk 363.
Nia dehan, hosi parte STAE dehan ba sira ne’ebé naran iha lista bele vota iha ne’e no sira ne’ebé naran laiha labele vota iha ne’e, sira tenke ba vota iha sira nia suku.
627 total views, 3 views today
Bele hare Video Seluk :