(Reportajen Olga Soares/Jornalista Estajiada Germandina Xavier/ Editora Suzana Cardoso )
DILI (Timor Post) – Tanba desijaun eleisaun prezidensial ne’e sei segredu povu nian, maka laiha kandidatu ida mak atu bele deklara sedu povu nia desizaun.
”Laiha kandidadtu ida mak hatene katak nia manan. Ne’e laloos. Se nia halo buat ruma iha kotuk, mak nia bele garante katak nia manan ona. Tanba manan ka lakon sei segredu povu nian. Ita entrega ba povu mak sei hili.”
Lee Notísia Relevante: Alkatiri: “Lú Olo Manan Tiha Ona”
Lia fuan hateten hosi Kandidatu ho númeru sorteiu 16, Mariano Assanami Sabino ba jornalista hafoin remata ezerse nia votu eleisaun prezidensial nian, iha Sentru votasaun Eskola Públiku Ensinu Báziku Bairru Pité, Sábadu (19/03).
Lee Notísia Relevante: Milena Pires Hatudu Simplisidade iha sentru Votasaun
Lee Notísia Relevante: Lú Olo: “Vota Hametin Estadu Direitu Demokrátiku”
Nia hateten, iha loron votasaun la’ós momentu ida ne’ebé oportunu atu halo deklarasaun sedu. Atu halo deklarasaun politika ka atu koa’lia buat ruma. Tanba ne’e buat hotu inan, aman no joven sira mak hatene. Ne’ebé saida de’it mak desizaun povu nian ita labele koa’lia uluk no deklara uluk saida mak desizaun povu nian.
Lee Notisia Relevante: Horta Vota ona iha Metiaut No Deklara Prontu Simu Rezultadu
Katak Assanami, buat hotu entrega ba povu mak deside. Durante ne’e kandidatu sira la’o iha fatin ne’ebé de’it la’o tiha ona. No buat ne’ebé kandidatu halo, halo tiha ona. Maski, orsamentu limitadu. Maibé esforsu ne’ebé iha hodi hato’o mensajen ba inan aman no joven sira hatene ona.
“Laiha kandidatu ida nia hatene ona katak nia manan, ne’e lalos, sé nia halo buat ruma iha kotuk nia bele garante katak nia manan ona, mas se ita entrega ba povu mak sei hili ema ida lorloron la’o hamutuk ho ita mós bele nia la vota. Ida ne’e mak ita dehan diretu demokratiku,” katak Assanami hodi hatutan.
Lee Notísia Relevante: Kandidatu PR Anacleto Vota Ona Iha Sentru Votasaun Kulu-Hun
Diretu fundamentu povu nian ne’ebé mak sosa ho ema rihun atus tolu resin ne’ebé mate ba rai ida ne’e mak hetan diretu ida ne’e, entaun tenke respeita ida ne’e.
Tanba ne’e husu ba ema hotu, liuliu STAE, CNE no observador hotu tenke respeita, vota ema nian mak transforma ba ukun, labele halimar ho manipulasaun ruma, sé de’it mak halo manipulasaun ne’e traisaun ba rai ida ne’e.
“Ha’u iha optimista, maibé ha’u seidauk bele deklara buat ida, ha’u fiar ba maromak, buat hotu tuir desizaun povu nian, kayak rezultadu saida dei’t diretu povu nian, povu agora ezerse ninia diretu politiku, diretu demokratiku,” Assanami koa’lia.
Tanba ne’e husu ba inan aman hotu, festa Demokrásia, maibé ezerse ema hotu nia diretu ba tinan lima Prezidente Repúblika atu garante no lori rai ne’e ba oin, katak rai ida ne’e ema hotu fó nia an hodi sakrifika no mantein moris ida ne’e .
Lee Notísia Relevante: Manan Ka Lakon Kontente Nafatin
Lee Notísia Relevante: Isabel Iha Esperansa Povu Halo Nia Desizaun Ne’ebe Loos
Iha parte seluk repsentante povu, Xefe Aldeia Transpotte Airo Timor, Junior Jesus Barros hateten, nu’udar povu nia esperansa ba kandidatura hotu-hotu ne’ebé mak sei eleitu ba Presidente Republika tenke tau interese aas povu nia ba interese hotu-hotu. No konstituisaun RDTL tuir nia dalan.
“Ami presiza figura Prezidente Republika ida ne’ebé mak hakuak povu hotu. No la haree ba partidu. La haree ba koor no mos la haree ba ras,” katak Junior.
Tuir observasaun Timor Post nota katak, prosesu votasaun iha aldeia ne’e observasador hosi STAE no fiskalizasaun hala’o sira responsabilidade ho maximu tebes. Iha sentru votasaun ne’e moos hetan seguransa maximu husi PNTL hodi lao prosesu vitasaun lao hakmatek.(Lee notísia seluk iha Joral Timor Post/Asesu You Tube)
793 total views, 3 views today
Bele hare Video Seluk :