ADVERTISEMENT

Don Virgílio Husu ba Lideransa no Povu Tomak Tenke Simu Rezultadu ElPrez ho Haraik-an

Mateus da Cruz - Dili
  • Share
Arsebispu Metropolitana Dili, Don Virgílio do Carmo da Silva SDB

(Reportajen Gilberto dos Santos/Editor Orlando Oqui)

DILI (Timor Post)-Hafoin ezerse direitu de votu iha Sentru Votasaun, Suku Bidau Lesidere, Arsebispu Metropolitana Dili, Don Virgílio do Carmo da Silva SDB, husu ba lideransa no povu tomak atu simu rezultadu Eleisaun Prezidensiál (ElPrez) 2022 ho haraik-an no esperansa ba pás iha rai laran.

ADVERTISEMENT
SCROLL FILA BA NOTISIA


Don Virgílio do Carmo da Silva hatete, kandidatu hotu agora ezerse sira-nia direitu iha kampaña semana rua liu ba, no ohin kandidatu sira no povu tomak hakat ba sentru votasaun hodi ezerse sira-nia direitu.

“Agora ita hein rezultadu ne’ebé mak mai ita simu ho haraik-an, iha ne’e la’ós ita mak determina maibé povu mak determina, se povu hili ha’u, ha’u kontente se povu la hili ha’u, ha’u tenke simu ho haraik-an”, Don Virgílio hato’o lia hirak ne’e hafoin ezerse votu iha sentru votasaun Bidau Lesidere postu administrasaun Nain Feto, Sábadu (19/03).

Lee Mós :
APS Asegura Vítima Inundasaun 100 Resin

Nia hatutan, durante kampaña ne’e mosu violénsia uitoan ne’ebé mosu iha fatin balu ema hotu hatene maibé ida ne’e mosu ona.

Don Virgílio hatete, husi ohin ba oin ne’e ema ida-idak mai selebra festa demokrasia ne’e ho pás no estabilidade hodi ezerse direitu ho liberdade iha rai ida ne’e.

“Militante no simpatizante sira iha fulan hirak liu ba no tinan hirak liu ita hotu hatudu ba mundu kona-ba ita nia maturidade polítika”, Dom Virgílio haktuir tan.

“Ema apresia ita ema louva ba ita maturidade polítika, katak depois ida ne’e ita buka hakmatek ita buka atu evita violénsia, agora marka tan istória foun Ida mundu hateke hela mai ita”, nia hateten.

Lee Mós :
Harii Prezépiu Labele Okupa Estrada no Pasadeira

Lider igreja katólika Timor-Leste ne’e enkoraja ema hotu no konvida ema hotu atu hatudu nafatin ezemplu di’ak ba mundu, violénsia ne’e pasadu ona agora ba oin promove kultura Dame kultura diálogu kultura liberdade.

Nia hatete, iha momentu ida ne’e povu tomak ezerse sira-nia direitu, ne’e duni joven sira hakmatek hodi simu rezultadu eleisaun, halo violénsia se mak terus família inan aman mak sai terus.

“Ba Timor no povu tomak ita nia esperansa hakarak hetan na’in ulun ne’ebé di’ak atu tinan lima mai ne’e kaer metin ita nia konstituisaun no kaer metin unidade iha rai ida ne’e iha kapasidade bele halibur ema hotu”, nia hatutan.

Lee Mós :
Júlia sei Haloot iha Semitériu Militár, Lere Hein Investigasaun

Nia husu mós katak, interese partidu, interese pesoál no interese polítiku di’ak liu tau ba kotuk, tanba Timor ne’e ida de’it hodi hatudu ida ne’e iha rai laran no ba mundu.

Entretantu, tuir observasaun Timor Post nota katak amu bispu Dom Virgílio vota iha oras tuku 07:00 ho balu iha sentru votasaun Bidau Lesidere, munisípiu Dili. (Lee Notísia Seluk Iha Jornál Timor Post/Asesu YouTube)

 

 1,413 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Don Virgílio Husu ba Lideransa no Povu Tomak Te…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No