ADVERTISEMENT

Isabel Iha Esperansa “Povu Halo Desizaun Ne’ebé Loos”

Mateus da Cruz - Dili
  • Share
kandidata Prezidente numeru sorteiu 1 Isabel Ferreira fo votu iha sentru ensinu baziku filial Metiaut, (Foto Timor Post Jeremias Soares)

Reportajen: Jeremias Soares/editor Augusto Sarmento

DILI-kandidata Prezidente Repúblika ba períodu 2022-2027 ho númeru sorteiu-1 Isabel Ferreira ne’ebé akompaña husi kaben Primeiru Ministru Taur Matan Ruak ezerse ona votu iha sentru votasaun Sede Suku Metiaut.

ADVERTISEMENT
SCROLL FILA BA NOTISIA


Primeiru Ministru Taur Matan Rua ho Espoza to iha sentru oras 11:00, no iha minutu neen nia laran hodi ezerse sira-nia diretu votu nu’udar sidadaun.

“Ha’u espera Povu Timor-Leste halo desizaun ne’ebé los no di’ak, atu eskolla Prézidente ida ke hadomi Povu, atu tau matan ba Povu no Rai Ida ne’e, para bele liberta Povu husi terus no ki’ak”, Isabel informa ba jornalista sira iha sentru votasaun Ensinu Báziku Filial Metiaut, Sábadu (19/03).

Lee Mós :
PLP-KHUNTO Apoiu Karreta Lima Transporta Eleitores Parte Leste

Isabel hatete, rezultadu saída de’it mak mosu iha eleisaun ne’e, timoroan hothotu tenke simu.

“Ba ha’u defende ba Povu nia eskolla, se ha’u eleitu, ha’u hakarak Prezidente ida mais prósimu, Prezidente ida besik Povu no hamutuk ho Povu ki’ak sira, atu ajuda sira sai husi terus no ki’ak, liuliu ajuda sira nia oan sira atu hetan oportunidade ba eskola no empregu, tanba eskola no matenek bele muda sira-nia vida, muda família no muda nasaun”. Isabel dehan.

Lee Mós :
Juventude Kontinuador Sei lori Lere ba Tuur iha Palasiu Bairropite

Entretantu, total votante iha Suku Metiaut hamutuk 1309. Suku Meti-Aut iha sentru votasaun rua, hanesan Sede Suku Meti-Aut no Ensinu Baziku Filial Meti-Aut.

Iha prosesu votasaun ne’e, observa direta husi observadór internasionál hanesan CPLP, Uniaun Europeia, IRI no observadór nasionál sira, inklui observadór kada kandidatu no fiskais sira. Sentru votasaun rua ne’e, hetan seguransa másimu husi PNTL. Situasaun iha suku Metiaut iha ambiente hakmatek.(*)

 676 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Isabel Iha Esperansa “Povu Halo Desizaun Ne&#82…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No