(Reportajen Jose Caet/Editor Mateus da Cruz)
DILI—Xefe misaun observasaun hosi Comunidade dos Paises da Lingua Portuguesa (CPLP), José Guerreiro Alves Primo, apela, ba povu Timor-Leste atu aumenta partisipasaun iha ámbitu votasaun.
Reprezentante Comunidade dos Paises da Lingua Portuguesa mai partisipa iha eventu (festa demokrasia), hodi hatene kona-ba lala’ok eleisaun prezidensiál iha Timor-Leste.
“Ami nia ekipa mai Timor-Leste, primeiru atu partisipa iha eleisaun prezidensiál hodi hato’o ami ninia solidariedade no kontribuisaun ba governu no entidade hotu,” Primo deklara hafoin remata audiénsia iha Palasiu Prezidensiál Bairopite, Sesta (18/03).
Ekipa CPLP partisipa iha eventu eleisaun prezidensiál la’ós atu halo fiskalizasaun, maibé partisipa atu halo observasaun hahú hosi kampaña too votasaun.
“Ami ko’alia ho sua-exelénsia prezidente repúblika la ko’alia kandidatu ida, tanba ami hasoru Prezidente Repúblika”, nia hateten.
CPLP hala’o observasaun iha eventu eleisaun prezidensiál hodi haree eleitór hothotu iha territóriu laran tomak, atu bele kria pas no estabilidade.
Durante sira halo observa dezde tempu kampaña eleitorál la’o di’ak tebes, maski juventude barak mak halo komboiu, maibé mantein pas no estabilidade.
Tuir nia haree kandidatu prezidente repúblika períodu 2022-2027 hamutuk na’in 16 envolve feto na’in haat mak kandidatu ne’ebé di’ak tebes.
Enkuantu kandidatu prezidente repúblika períodu 2022-2027 feto mós kandidatu hotu, hanoin demokrasia garantidu no demokrasia iha Timor-Leste forte.
Ekipa hosi Comunidade dos Paises da Lingua Portuguesa (CPLP) hamutuk na’in 16 kompostu hosi Angola, Mosambike, Brazil, Kabu-Verde, Guinea Bissau Portugál no são Tome e Prínsipe mak la mai.
1,077 total views, 3 views today
Bele hare Video Seluk :