ADVERTISEMENT

Deteta Ema Balun Tama Sai Bairo Fahe Osan Hodi Sosa Votu

Mateus da Cruz - Dili
  • Share
Kandidatu PR ho numeru sorteiu 7,Milena_Pires

(Reportajen Jaime Pires/Editor Mateus da Cruz)

Dili (Timor Post)- Kandidatu Prezidente Repúblika (PR) independente na’in-7 deteta ema balun tama sai Bairu prátika fahe osan hodi sosa votu.

ADVERTISEMENT
SCROLL FILA BA NOTISIA


“ami kandidatu independente sira hetan informasaun katak, iha ema ne’ebé reprezenta Kandidatu balun la’o iha Bairo sira hodi fahe osan ba votante sira, ho kompromisiu atu vota ba kandidatu ne’ebé mak sira reprezenta,” dehan Portavoz Kandidatu Prezidente Repúblika ho independente, Milena Pires, liuhusi konferénsia imprensa ne’ebé realiza iha, Fatuhada, sesta (18/03).

Lee Mós :
Governu Prevee Millaun 4 USD Hodi Konstrui Jardín Chama Eterna

Kandidatu Prezidente Repúblika ho númeru sorteiu (7) ne’e reforsa, prátika ida ne’e sei individualmente influénsia votante sira atu vota, no halo ema ta’uk atu hili tuir sira nia hanoin rasik.

“Bazeia ba informasaun ida ne’e ami kandidatu independente sira husi ba STAE atu halo loloos ninia kna’ar iha parte prosesu eleitoral ne’ebé sei la’o, no husu ba CNE atu halo ninia kna’ar supervizaun loloos, ho firmeza no imparsialidade,” deklara Nia.

Lee Mós :
Reitór UNPAZ Konfirma Kazu Sona nia Estudante no Prosesu Aprendizazen Hafoin Akontesimentu

Milena mós husu ba Kandidatu Prezidente Repúblika hotu-hotu, atu garante prosesu eleitoral ida ne’ebé respeitu sidadaun hotu-hotu ninia direitu.

“Ami mós husu ba Kandidatu independente ida-idak ninia apoiante sira atu mantein espiritu demokrátiku no tolerante hodi la monu ba provokasaun no prátika sira ne’ebé kontra prátika demokrasia nian,” Subliña.

Atu hakotu nia mós dehan, sira hanesan kandidatu independente deklara no kritika aktu hirak ne’e tanba, hakarak kaer metin nafatin Paktu Unidade Nasionál ne’ebé kandidatu Prezidete Repúblika hamutuk (16) assina hamutuk iha CNE, iha loron 28 Fevereiru liubá ne’e.

Lee Mós :
Antonio: Povu Mak Determina

Enkuantu Kandidatura Independente sira ne’ebé mak assina deklarasaun hodi halo konferensia imprensa ida ne’e mak hanesan, Izabel da Costa Ferreira, Angela Freitas, Milena Pires, Rogerio Lobato, Virgilio Guterres ‘Lamukan’, Constancio Pinto no mós Antero Bendito.

 1,309 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deteta Ema Balun Tama Sai Bairo Fahe Osan Hodi …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No