ADVERTISEMENT

KHUNTO Prontu ba Eleisaun Antesipada no Fi’ar Kadeira Aumenta ba 10

Timor Post - Jeral
  • Share

DILI—Partidu Kmanek Haburas Unidade Nasionál Timor Oan (KHUNTO) prontu avansa ba eleisaun antesipada bainhira Prezidente Repúblika Francisco Guterres Lú Olo foti desizaun ne’e tuir nia kompeténsia ne’ebé hatúr iha konstituisaun RDTL.

Deputadu KHUNTO atuál Vise Daruak Prezidente Parlamentu Nasionál, Luis Roberto, afirma, prinsípiu KHUNTO defende diálogu ne’ebé prezidente repúblika lidera dadauk, maibé bainhira laiha solusaun seluk maka hanesan partidu polítiku sempre prontu ba eleisaun antesipada daruak.

ADVERTISEMENT
SCROLL FILA BA NOTISIA


Lee Mós :
Don Virgílio Ordena Diákonu Na'in-Haat sai Amu Lulik, "Hau Neon Haksolok, iha Maromak Ha’u mak Soin”

“Nu’udar ema polítiku sempre prontu, kuandu últimu rekursu maka prezidente repúblika foti ba fali eleisaun antisipada, nu’udar partidu polítiku sempre prontu hela de’it, ami KHUNTO sempre iha pozisaun prontu atu kumpre saida mak ita nia prezidente repúblika fó sai,” Deputadu Luis afirma ba Timor Post iha Resintu Parlamentu Nasionál, Kuarta (12/02/2020).

Lee Mós :
Indonézia Konvida CNE Akompaña Sira-Nia Eleisaun Prezidente

Nia hatete, KHUNTO nia hakarak solusaun ba situasaun polítika atuál la presiza hakat to’o eleisaun antesipada maske dalan ne’e mak demokrátiku liu, maibé bainhira laiha duni konsertasaun polítika maka KHUNTO mos la hakiduk ba eleisaun antesipada i fi’ar katak kadeira sei aumenta ba KHUNTO.

“Kuandu desizaun mak fó katak eleisaun antisipada mosu duni, ami partidu KHUNTO fi’ar-an hetan votu barak, la’ós hetan nafatin kadeira lima, maibé aumenta tan lima, nune’e sai sanulu iha Parlamentu Nasionál, ne’e garantia ami partidu KHUNTO ninian,” Luis hatete. (ato)

 626 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KHUNTO Prontu ba Eleisaun Antesipada no Fi’ar K…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No