ADVERTISEMENT

STAE Manufahi Hahú Distribui Materiál Eleisaun Ba Sentru Votasaun 94

Mateus da Cruz - Dili
  • Share
Material sensitivu no la sensitivu preparadu ona atu transporta ba sentru votasaun no estasaun votus iha postu Fatuberlio, Alas, Turiskai no postu administrativu Same villa. Imajen/Luis Casimiro

MANUFAHI— Sekretariadu Tékniku Administrasaun Eleitorál (STAE), Munisípiu Manufahi, Sesta ne’e hahú halo distribuisaun material sensitivu no la sensitivu ba Postu Administrative Fatuberliu, Turiskai, Alas no Same Villa, Munisípiu Manufahi.

Iha ámbitu serimónia ne’e, Diretór STAE Munisípiu Manufahi, Angelo da Costa Corte Real, hatete, ohin, hahú distribui material eleisaun ba postu haat  kompostu hosi sentru votasaun sia nulu resin haat (94) no estasaun atus ida sanulu resin rua (112) ho total eleitór hamutuk rihun haat nulu atus ualu rua nulu resin lima (40,825).

ADVERTISEMENT
SCROLL FILA BA NOTISIA


“Ohin ita distribui Urna hamutuk 366 ba sentru votasaun 94 no estasaun votu 112 kompostu husi postu administrativu Fatuberliu, Turiskai, Alas no postu administrativu Same Villa,  kuantidade livru bulletin votu iha 927, lista votante 446 no materiais siensitivu no la siensitivu” nia dehan, iha Edifisiu STAE Manufahi.

Lee Mós :
Kandidatu Se De’it Maka Manan Tenke Sai Modelu Paz ba Joven Sira

Nia hatete, STAE antisipa hela fatin votasaun rua nulu resin tolu (23) ne’ebé risku ba dalan iha tempu udan maibé oras ne’e karreta sei bele transporta material refere to’o ba fatin sentru votasaun sira.

“Ita nia fatin ne’ebé ami antisipa mak hanesan postu Same, sentru votasaun Eskola Primaria (EP) Blaro, Tefo no sentru votasaun sede aldeia Falitehu, Tirilolo, Orluli no Faturae, postu Fatuberlio, iha sentru votasaun Eskola Primaria (EP) Fahinehan, EP Daramatan no pre-eskolar Fatukilat Ainessi, suku Bubususu, EP Bubususu, suku Kaikasa sentru votasaun Ailalek ho Sukaeroan,” nia relata.

Ba postu administrativu Turiskai, iha sentru votasaun suku Mindelo, Orana, Fatukalo, Lesuata no suku Matorek enkuantu ba postu administrativu Alas sentru votasaun suku Aituha, Manus no Sarin ne’ebé antisipa hela bainhira tempu udan labele ultrapasa maibé oras ne’e dadaun loron bele ultrapasa.

Lee Mós :
MTCI Konvoka Enkontru ho Parseiru Internasionál Sira Iha TL

Iha fatin hanesan, Komandante Komandu Polísia Munisípiu Manufahi, superintendente, Joni Viana das Regras, husu, polísia nafatin fó seguransa ba distribuisaun material sensitivu no la sensitivu husi munisípiu ba to’o sentru votasaun no eleisaun remata lori fila fali hosi sentru votasaun ba munisípiu.

“Ita tenke garante materiais hirak ne’e ho seguru, bainhira to’o iha sentru votasaun nafatin asegura no fó seguransa alende materiais inklui sidadun hotu nune’e bele partisipa iha festa demokrasia ida ne’e ho livre, seguru hosi siklu tauk no ameasa hosi ema ruma,” nia dehan.

Nia hateten, PNTL mós hetan apoiu másimu hosi husi Forsa  Falintil Defeza Timor Leste (F-FDTL) destakadu Postu Betanu.

Lee Mós :
MPM-Empreza Santos Asina Ona Akordu Atu Transforma Kampu no Fasilidade Iha Bayu Undang

Serimónia distribuisaun material sensitivu no la sensitivu ne’e partisipa hosi komisáriu CNE destakadu Manufahi, reprezentante Ministériu Administrasaun Estatal (MAE), komandante F-FDTL postu Betanu, Diretór edukasaun, Obras públiku, EDTL munisípiu, Koordenadór jestaun risku dezastre, diretór eskola 1912 Maunfahe, Same inklui reprezentante partidu polítika kada kandidatura.

No hetan mós observasaun diretamente husi observadór internasionál Uniaun Europeia (UE) no hetan supervizaun hosi Komisaun Nasionál Eleisaun (CNE) ho komitiva tomak inklui brigada, Ofisial Komisaun Eleisaun (OCE) no fiskais sira.(lcl)

 788 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “STAE Manufahi Hahú Distribui Materiál Eleisaun …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No