(Reportajen Cesario Sousa/Editor Mateus da Cruz)
DILI— Kandidatu Presidente Repúblika Períodu 2022-2027, Lere Anan Timur, hatete bainhira povu fo fiar ba nia sai prezidente repúblika, nia sei uza nia podér hanesan Komandante Supremu Forsa Armada hodi deklara de’it pas, lakohi atu funu tan.
“Ha’u nu’udar komandante supremu forsa armada, ha’u nia papel deklara funu i deklara pás, maibé iha ha’u nia kampaíña dehan, ha’u baruk ona deklara funu, hakarak pás ba ita nia rain,” nia deklara iha salaun Novo Turizmu, Tersa (15/03).
Nia hatutan, kuandu eleitu ba prezidente Repúblika iha ona definisaun konseitu estratéjiku militár nune’e prepara ba ameasa ruma.
No misaun Forsa Armada klaru katak defeza esterna ba nasaun husi akordu internasionál, tanba nee tenke moderniza forsa armada hanesan brasu ba povu Timor Leste.
878 total views, 3 views today
Bele hare Video Seluk :
Subscribe to Timorpost
