(Reportajen Cardenio Alves/Editor Mateus da Cruz)
DILI (Timor Post)-Komisaun Nasionál Eleisaun (CNE-Sigla Portugés), Segunda ne’e, fó sai rezultadu balansu kampaña eleitorál durante loron 2 to’o 14 fulan Marsu, durante loron 13 nota katak kampana eleitoral hosi kandidatu prezidente republika na’in 16 baperiodu 2022-2027, la’o ho di’ak.
“Ita Nia balansu ba kampania eleitoral ne’ebe la’o, desde loron rua fulan Marsu to’o loron sanulu resin-haat, geralidade la’o ho di’ak,” hatete Prezidente CNE, Jose Belo, iha Edifisiu CNE, Kaikoli Dili, Segunda, (14/03).
Nia hatete, maski jeralmente la’o ho di’ak maibé nia rekoñese katak iha problemas balun ne’ebe akontese durante tempu kampania iha munisipiu Vikeke, Manufahi no Baukau, maibé problema hirak ne’ebé mosu CNE kolabora ho PNTL nafatin hakalma situasaun.
“Mosu duni insidente ida, ne’ebe apoiante sira husi kandidatu numeru sorteiu neen hamosu konfrontu no tuda malu ne’eéb rejulta ema Ida mate, nune’e CNE ho PNTL asegura situasaun sira ne’e tenki Lao ho diak,”nia dehan.
Insidente ne’ebe rejulta ema ida mate ne’e nia prosesu la’o hela no apoiante sira ne’ebe hamosu problema oras daudaun ne’e PNTL halo hela identifikasaun no kaer ona hodi halo investigasaun.
Alende mosu insidente, CNE mós nota katak kandidatu sira la konsege kumpre paktu unidade nasional ne’ebé antes ne’e asina, realidade durante kampana kandidatu sira hamsu de’it provokasaun.
“Iha paktu kandidatu hotu-hotu konkorda maibe Ita hare iha tempu kampania hamosu mosu insulta, no la fokus ba programa futuru nian, maibe ataka fali ba personalidade no politika pasadu ninian”. Dehan tan.
Tuir CNE, situasaun nee ladun eduka eleitor sira no CNE sente asaun Ida nee presiza tebes katak tenki hadi’a hodi hanorin kultura Ida neebe respeita malu no fo edukasaun politika Ida ba sosiedade.(Lee notisia seluk iha jornal Timor Post/asesu youtube Timor Post)
576 total views, 3 views today
Bele hare Video Seluk :