ADVERTISEMENT

Salvador : Naran Tama Remodelasaun Ne’e Direitu Primeiru Ministru Nian

Mateus da Cruz - Dili · Nasionál
  • Share
Ministru Obras Públika (MOP), Salvador Dos Reis Pires, Foto TP/Maria Lizia

(Reportajen Jaime Pires/Editor Mateus da Cruz)

Dili (Timor Post)- Ministru Obras Públika (MOP), Salvador Dos Reis Pires, lakohi komentáriu kona-ba nia naran tama iha lista remodelasaun ne’ebé mak sei akontese iha tempu besik.

ADVERTISEMENT
SCROLL FILA BA NOTISIA

“Kona-ba ida ne’e ha’u labele ko’alia, tanba ha’u laiha kompetensia, ne’e kompetensia tomak husi Primeiru Ministru (PM), Taur Matan Ruak,” dehan Nia ba jornalista sira iha Palásiu Governu, kuarta (09/03).

Hafoin jornalista sira kontinua halai tuir, Ministru mak husu atu rejigna-an ka primeiru Ministru mak hakarak halo remodelasaun tanba naran tama hotu lista, maibé nia parte Kontinua hatan nia labele ko’alia kona-ba ida ne’e, maibé kompet’ensia tomak iha Primeiru Ministru.

Lee Mós:
Projeitu 44: José Reis Lakohi Emprejáriu Sira Sai Vítima

Entertantu, Sekretáriu Estadu Asuntu Veteranu, Gil da Costa Monteiro ‘Oan Soru’ rekonese nia naran tama hotu iha lista remodelasaun, tanba ne’e prontu simu kualker desizaun.

“Ha’u ne’e atu remodelasaun fali ka, ezonerasaun ka pecat mós ha’u prontu hotu”. Oan Soru hato’o asuntu ne’e ba jornalista sira iha kampana Kandidatu ho numeru-14 José Ramos Horta ba dala-8, iha kampu futebol Ainaru Villa, Kuarta (09/03).

Lee Mós:
Governu La Sériu Implementa Lockdown

Entretantu, iha kampaña kandidatu PR Ramos Horta nian iha Munisípiu Aileu, Domingu (06/03), Oan Soru lekar  sai segrudu Governasaun lideradu Taur Matan Ruak nian, ne’ebe mak mandatu besik termina ona nunka halo buat ida.

“Ha’u tenke onestu ba Povu ida  ne’e ona, ami nia mandatu besik hotu ona, estrada kilometru ida ami lá halo, fiu metru ida mós ami lá dada, Povu mak terus”, Oan Soru deskbre.

Antes ne’e Primeiru Ministru Taur Matan Ruak, dehan, Remodelasaun ne’e sei akontese duni iha tempu badak.

Lee Mós:
MEJD Husu Públiku Respeita Profesór

“Sim sei iha, tanba ne’e kuandu iha remodelasaun ami sei hatete ba ita boot sira,” dehan Nia bá jornalista sira iha Edifisiu, Ministeriu Finansas Aitarak-Laran, Tersa (08/03).

Taur hatete, remodelasaun ne’e mosu normal tanba desde primeiru governu to’o VIlI Governu konstitusionál sempre iha remodelasaun ba membru governu sira.(Lee notisia seluk iha jornal Timor Post/asesu youtube Timor Post)

 

 228 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Salvador : Naran Tama Remodelasaun Ne’e Direitu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: