(Jaime Pires/ Editor Mateus da Cruz)
Dili (Timor Post)- Managing Director Ajensia Incanto Grup, Joanico Jeronimo, informa, tama ba loron rua rekrutamentu,kandidatu traballador Qatar hamutuk rihun tolu (3000) maka hatama ona dokumentu.
“Ohin (horisehik) ita taka ona rekrutamentu, tanba ema hamutuk tiga ribu resin mak hatama ona dokumentu,” nia dehan iha nia servisu fatin, Lecidere Tersa (08/3).
Nia esplika, tanba agora ba uluk ne’e presiza ema na’in-300 de’it, no ema hatama dokumentu liu ona 3000 entaun taka hodi halo uluk inteview ba sira hodi hili ema na’in 300 maka ba uluk.
“Ita taka tiha, halo tiha interviu hotu ba sira ne’ebé mak liu ne’e ba tiha mak ita halo tan rekrutamentu ba segundu faze ninian,” tenik Nia.
Programa rekrutamentu ne’e halo tanba Ajénsia 2WJ ne’ebé mak iha Under Incanto West Grup nia okos mak assina akordu ho Ajénsia internasionál ida iha Qatar ho naran GLOBAL JOBS, hodi presiza Timoroan rihun 2000 atu ba servisu iha Qatar.
Área ne’ebé Traballador sira atu ba servisu mak iha Aeroportu laran hanesan Hospitalidade, QFC, Mycdone no seluk tan, maibé area industria laiha.
Maski Ajénsia 2WJ mak assina akordu ho Ajénsia GLOBAL JOBS, maibé sei halo mós kordenasaun ho parte governu relevante hanesan, SEFOPE no Ministeriu Turizmu.(Lee notisia seluk iha jornal Timor Post/asesu youtube Timor Post)
945 total views, 3 views today
Bele hare Video Seluk :