ADVERTISEMENT

Segunda Hahú Rekrutamentu, Na’in 300 Sei Aranka Uluk Ba Qatar iha Marsu Ne’e

Mateus da Cruz - Dili
  • Share
Managing Director Ajénsia Incanto West Grup, Joanico Jeronimo

(Reportajen Jaime Pires/Editor Mateus da Cruz)

Dili (Timor Post)— Managing Director Ajénsia Incanto West Grup, Joanico Jeronimo, informa, hahu segunda ne’e komesa halo ona rekrutamentu ba joven sira ne’ebé maka atu ba servisu iha Qatar, Tuir koperasaun ne’ebé iha presiza ema to’o 2000 maibé agora sei rekruta uluk nain 300.

ADVERTISEMENT
SCROLL FILA BA NOTISIA


“Sim ami nia preparasaun prontu ona, segunda ita komesa halo ona rekrutamentu,”nia dehan bá Timor Post, iha nia servisu fatin, Lecidere, sesta (04/03).

Nia hatete, ema nain 300 ne’ebe pasa sei aranka kedas iha fulan ikus Marsu ne’e, sira sei servisu durante tinan rua, bainhira hatudu servisu diak sei kontinua.

“Tanba sira iha ne’ebá presiza ema servisu emerjensia entaun sira na’in-300 ne’e ba uluk tiha depois ita rekruta tan, tanba akordu ne’e sira presiza ema rihun rua,” nia dehan.

Lee Mós :
Atleta no Jogadór Sira Iha Esperansa ba Governasaun Foun

Nia hatutan, Ajensia maka responsabiliza tomak ba traballador sira ne’ebé atu aranka ba Qatar.

“Sira ba ne’e responsabilidade tomak ami Ajénsia ne’e, laiha responsabilidade husi governu, maibé ami Ajénsia mak halo kordenasaun ho parte governu hanesan Ministeriu Turizmu nian ho SEFOPE,” tenik Nia.

“Sira mai hatama dokumentus de’it depois tuir teste, maibé atu ba no prosesu fali sira nia dokumentu sira ne’e ami Ajénsia mak responsavel hotu, inklui aviaun no sira nia tiketi sira hotu,” Nia hakotu.

Tuir akordu, traballador sira sei servisu iha Aeroportu laran, iha area Hospitalidade ba QFC, Mycdone no seluktan, maibé servisu iha area Indústria laiha.

Lee Mós :
Sai Sasin ba Projetu Aeroportu Nicolau Lobato

Tanba ne’e nia husu ba joven sira ne’ebé mak hakarak ba servisu iha Catar, hahú segundu bele lori ona sira nia dokomentus mai hatama ona iha edifisiu INCANTO Grup iha Lecidere besik Hotel Novu Turizmu.

Antes ne’e Managing Director, dehan,  kriteriu lubuk ida maka joven sira presiza prienxe atu bele hodi kompete iha vaga 2000 tuir akordu ne’ebé iha, kriteriu hirak ne’e maka hanesan :

  1. Sertifikadu kursu lian Ingles
  2. Diploma Ensinu sekundariu k Universidade
  3. Atestadu médiku
  4. Rezultadu teste Covid-19
  5. Kartaun eleitoral
  6. BI
  7. Pasaporte
  8. CV
  9. Deklarasaun bom komportamentu hosi polisia
  10. Idade másimu 35
  11. Lalika iha tato barak
Lee Mós :
KAK-UNODC Realiza Workshop Evita Risku Korrupsaun iha Setór Saúde

“Dokumentus sira uza lian Ingles, dokumentus sira ne’e mai hatama ami sei verifika no sei halo testu intervista dala rua ida ami mak halo uluk intervista depois hotu, kandidatu sira kada ema ida sei tuir tan testu intervista ho sira Ajénsia iha Qatar liuhusi telekonferénsia,” tenik Nia.

Programa rekrutamentu ne’e halo tanba Ajénsia 2WJ ne’ebé mak iha Under Incanto West Grup nia okos, assina akordu ho Ajénsia ida iha Qatar no naran Global JOBS. (Lee notisia seluk iha jornal Timor Post/asesu you tube Timor Post)

 1,214 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Segunda Hahú Rekrutamentu, Na’in 300 Sei Aranka…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No