(Reportajen Jaime Pires/Editor Mateus da Cruz)
Dili (Timor Post)— Managing Director Ajénsia Incanto West Group, Joanico Jerónimo, informa iha kriteriu lubuk ida maka joven sira presiza prienxe atu bele hodi kompete iha vaga 2000 tuir akordu ne’ebé iha.
“Kriteriu primeriu maka tenke hatene ko’alia ingles di’ak, dokumentus sira mak hanesan sertifikadu ba kursu ingles nian, diploma SMA ka Universidade di’ak liután, atestadu médiku no rezultadu testu Covid-19, kartaun Eleitoral, BI no Pasaporte hatama hamutuk ho Kurikulun Vitae (CV), tenke hakerek ho ingles hotu,” nia dehan bá Jornalista Timor Post, iha nia servisu fatin, Lecidere, sesta (04/03).
Alende ne’e kriteiru seluktan maka lalika iha Tato barak, deklarasaun hosi polisia la komete krime ruma no idade masimu 35.
“Dokumentus sira ne’e mai hatama ami sei verifika no sei halo testu intervista dala rua ida ami mak halo uluk intervista depois hotu, kandidatu sira kada ema ida sei tuir tan testu intervista ho sira Ajénsia iha Qatar liuhusi telekonferénsia,” tenik Nia.
Programa rekrutamentu ne’e halo tanba Ajénsia 2WJ ne’ebé mak iha Under Incanto West Grup nia okos, assina akordu ho Ajénsia ida iha Qatar no naran Global JOBS. (Lee notisia seluk iha jornal Timor Post/asesu you tube Timor Post)
1,499 total views, 3 views today
Bele hare Video Seluk :