ADVERTISEMENT

Governu Japaun-UNICEF Asina Akordu Millaun 3 USD Apoia Programa Nutrisaun

Mateus da Cruz - Dili
  • Share
Embaxador Japaun ba Timor-Leste,Masami Kinefuchi, Imajen Esp

Dili (Timor Post)–Governu Japaun no Fundus Nasoins Unidas ba Labarik (UNICEF sigla Inglés) asina ona akordu millaun 3 USD hodi apoia programa nutrisaun iha Timor-Leste ba periudu tinan rua liu (2022 no 2023).

Parseria ne’e sei rezolve malnutrisaun maternal no infantil, inklui raes-badak, todan la too no defisiensia mikronutriente sira.

ADVERTISEMENT
SCROLL FILA BA NOTISIA


Programa ne’e sei foka ba promosaun pratika nutrisaun diak sira ba labarik sira (husi konsepsaun too fulan 24), adodesente no inan sira, tratamentu ba labarik sira sofre hela ho malnutrisaun grave, reforsa sistema nasional no rede komunitaria no ajuda hakfilak nivel nutrisaun aas entre labarik sira tinan lima mai kraik iha país ne’e. intervensaun espesifika sira sei implementa iha Munisipiu Covalima, Lauten, Liquiça no Manufahi no RAEOA Oecusse.

“Kontribuisaun sira hanesan jenerozu finansiamentu husi Governu Japaun sei ajuda ita koletivamente mellora estatutu nutrisaun infantil, inan no adolesente sira,” dehan Ministra Saúde, Maria Freitas Belo

Nia hatete, Timor leste presiza halo buat barak hodi aselera progresu sira atu rezolve malnutrisaun durante periudu kritiku liu iha labarik sira nia moris, antes sira kompleta tinan rua, no garante katak sira sobrevive, labela raes-badak no todan la too, no sira prontu ba eskola no aprendizajen vida naruk.

Lee Mós :
Deteta Suspeitu Kazu Bekora Na’in-8, Komunidade Evakua

Raes-badak tu’un ona husi pursentu 50,2 ba pursentu 47,1, ekuantu todan la too reduz ona husi pursentu 11 ba pursentu 8,6 entre tinan 2013 no 2020. Maske nune’e, malnutrisaun, partikularmente malnutrisaun maternal no infantil, kontinua sai kontribuidor singular boot ba mate premature no defisiensia iha Timor-Leste.

Labarik ida husi labarik nain-rua raes-badak (pursentu 47 husi labarik sira tinan lima mai kraik), Timor-Leste iha taxa raes-badak aas-liu dahaat iha mundu ho taxa dobru liu media global no prevalensia raes-badak aas-liu datolu iha rejiaun Azia Pasifiku Leste.

Bilal Durrani Reprezentante País UNICEF ba Timor-Leste, hatete, Labarik sira ne’ebe mak sofre malnutrisaun iha probalidade atu mate duke sira-nia otas ho nutrisaun diak.

Sira ne’ebe sobrevive moris ho risku husi raes-badak no todan la too – no hasoru defisiensia mudansa moris iha sira-nia nutrient esensial sira. Malnutrisaun ba labarik afeta dezenvolvimentu kognitivu no fíziku, fó inpaktu negativamente ba labarik-nia edukasaun no perspetiva sira enpregu-nian.

Lee Mós :
Vise Ministru Justisa Nia Oan ho Karreta Xoke Malu iha Kolmera

“Kuaze pursentu 80 husi ema-nia kakutak dezenvolve iha tinan rua, no wainhira raes-badak no todan la too la rezolve kedas iha tinan rua dahuluk iha labarik nia moris, ne’e atraza liu ona,” dehan Bilal.

Barreira prinsipal sira atu hadiak nutrisaun inklui pratika sira fó han bebé no labarik mak la adekuadu, koñesimentu insufisente kona-ba nutrisaun maternal, moras infansia sira, kuran asesu ba bee moos, saneamentu no ijiene.

Japaun ho UNICEF sei apoia Governu Timor-Leste nia esforsu sira atu aselera redusaun husi prioridade malnutrisaun sira no kontribui ba redusaun raes-badak, todan la too no krekas too tinan 2023 nia rohan ba labarik sira fulan 0-23.

Esforsu sira mós sei halo atu hadiak kobertura suplementasaun nutriente entre feto adolesente sira liu husi pakote intervensaun impkaktu nutrisaun aas iha fasilidade saude sira no eskola sira no mellora intervensaun nutrisional sira ba inan sira.

Projetu ne’e sei ajuda trata labarik 11.962 sira mak sofre hela ho malnutrisaun grave, fornese akonsellamentu mikronutriente ba inan isin-rua 12.000, fornese suplementu mikronutriente ba adolesente 20.000 no apoiu intervensaun nutrisaun sira seluk.

Lee Mós :
ATRTL-TBEH Realiza Konkursu Públiku Hili Ambassador Turizmu

Alende ne’e, Embaxador Japaun ba Timor-Leste, nia kontente atu apoiu Timor-Leste nia esforsu sira hodi kobate malnutrisaun.

“Japaun kontinua apoia Timor-Leste nia esforsu sira hodi hadiak polulasaun-nia estatutu nutrisional. Hodi Governu Japaun nia naran, hau kontente atu asina kontratu foun ho UNICEF asistensia Dolar Amerikanu millaun 3 ba programa nutrisaun,

Alende asistensia seluk husi Dolar Amerikanu millaun 3 mak ami asina ona ho WFP (sigla Inglés) ba programa seguransa alimentar. Programa ne’e foka espesialmente ba labarik, adonesente no inan sira, tanba nutrisaun diak no balansu dieta iha faze inisiu moris mak esensial atu garante kresimentu saudavel umana.

“Ha’u hein katak Japaun nia asistensia ba programa ne’e sei aselera melloramentu situasaun nutrisional iha país ne’e,” dehan Masami.

Akordu parseria ne’e asina ona husi Sua Exelensia Masami Kinefuchi, Embaxador Japaun ba Timor-Leste hodi Governu Japaun nia naran, no Bilal Durrani, Reprezentate País UNICEF ba Timor-Leste hodi UNICEF nia naran. (*/teu)

 542 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Japaun-UNICEF Asina Akordu Millaun 3 US…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No