(Reportajen Jaime Pires/Editor Mateus da Cruz)
Dili (Timor Post)-Fernando Dias Gusmao nu’udar Reprezentante legal hosi kandidatu Prezidente Republika numeru sorteiu 6, Francisco Guterres Lú Olo, rekomenda ba Parlamentu Nasional atu iha futuru presiza halo alterasaun ba lei eleitoral ba PR hodi introdus kompetensia tribunal rekursu.
Kestaun ne’e hato’o Relasiona ho desizaun Tribunal Rekursu indefere rekursu reprezentante kandidatu PR numeru 6, Francisco Guterres Lú Olo, ne’ebe husu ba tribunal rekursu atu interpreta lei eleitoral artigu 38 konaba uza fotografia rua iha buletin votu, maibe tribunal deklara laiha kompetensia atu interpreta lei ne’e ho razaun ne’e kompetensia CNE nian.
“eleisaun prezidensiál ne’e orgaun singular ka unipessoal, tanba ida ne’e mak ita kestiona kona-ba kandidatu seluk ne’ebé hatama fotografia iha buletin de votu ne’ebé hamosu konfuzaun iha públiku ba povu eleitor sira,” dehan Reprezentante kandidatu Fernando Dias Gusmao iha Salaun Luz Clarita kuarta (02/03).
Nia hatete, Iha loron ruanulu-resin-valu, reprezentante kandidatu, numeru sorteiu neen ba hatama pedidu Ida ba tribunal rekursu, hodi husu halo interpretasaun ba Lei eleisaun ba Prezidente Republika nian, artigu tolinulu-resin-valu, ne’ebe ko’alia kona-ba buletin de votu
Maibe TR lasimu pedidu hosi reprezentante kandidatu Presidente a Republika Fancisco Guterres Lú Olo nian. La’os tanba laiha fundamentu iha argumentu sira, maibé tanba de’it TR deklara katak sira laiha kompetensia ba halo Interpretasaun Artigo 38° da LEl N.° 15 /2021 de 14 de Julho Sexta Alterasaun a lei N. 7/2006, de 28 de Dezembru lei Eleitoral para o prezidente republika.
Nia dehan tan, Tribunal Rekursu deklara sira laiha kompetensia atu julga kona-ba boletim de votu. Kompetensia ida ne’e monu ba CNE tuir numeru 2 artigo 38 Lei eleitoral ba Presidente Republika nian.
Redasaun Tribunal rekursu nian katak, tuir Lei ba PR nian, CNE Mak iha kompetensia atu aprova buletin votu no Lei eleitoral la fo kompetensia ba TR atu halo interpretasaun ba iha artigu refere.
Tanba ne’e Reprezentante kandidatu rekomenda katak ba futuru eleisaun PR, persija hało alterasaun ba Lei eleitoral ba PR hodi introdus kompetensia nian iha rekursus ruma ne’ebé aprezenta hosi ekipa sussesu ka kandidatu ba ElPrez rasik ne’ebé la konkorda ho desizaun CNE nian konaba buletin de votu.(Lee notísia seluk iha jornál Timor Post/asesu you tube Timor Post)
785 total views, 9 views today
Bele hare Video Seluk :
Subscribe to Timorpost
