(Reportajen Jaime Pires/Editor Mateus da Cruz)
Dili (Timor Post)- Kandidatu Prezidente Repúblika, periodu 2022-2027, ho númeru sorteiu 16, Mariano Assanami Sabino, promete, karik manán iha eleisaun prezidensiál tinan ne’e, nia sei halo mudansa ba mentalidade no atetude polítiku iha Timor-Leste.
“Ha’u mai atu halo mundasa ba mentalidade no atitude politika no sosial sira nebe la-kontribui ba unidade paiz nian. Ha’u hakarak kria ambiente politika nebe di’ak hodi timor-oan tomak bele partisipa di’ak liu tan iha dezenvolvimentu ida integradu, sustentavel no inkluzivu,” Nia dehan iha Tasi-Tolu, hafoin deklara nia kandidatura ba publiku, Domingu (20/2.)
Nia hatete, nu’udar Líder Transjerasional no Interjerasional ida, nia iha responsabilidade hodi garante no promove prinsipiu no valor umanu Timor-Leste nian hodi kuda-metin domin, fraternidade, solidariedade, toleransia, dialogu, no responsabilidade iha ida-idak nia fuan no laran.
Nia hakarak assegura no defende pensamentu autentiku husi fundadór RDTL sira ne’ebé mós hanesan nia pensamentu rasik, luta hodi promove no defende povu nia moris di’ak ka bem-estar ho baze iha sistema demokrátiku ida, no ho dialogu hodi hetan konsensu ba asuntu sira ho karakter interese nasionál.
“ha’u hakarak promove no hametin garantia ba sidadaun sira nia direitu no liberdade no respeitu ba dignidade umana hanesan hatu’ur ona iha konstituisaun ho baze iha Estadu de direitu, liu husi implementasaun konsistente ba lei sira, no dezenvolvimentu iha setor hotu-hotu,” tenik Nia.(Lee notisia seluk iha jornal Timor Post/asesu youtube Timor Post)
896 total views, 3 views today
Bele hare Video Seluk :