(Reportajen Jaime Pires/ Editor Mateus da Cruz)
Dili (Timor Post) – Relasiona ho problema barak ne’ebé kontinua enfrenta hosi instituisaun Falintil Forsa Defeza Timor-Leste (F-FDTL), liu-liu problema rekursu iha komponente sira, Primeiru Ministru (PM) Taur Matan Ruak husu atu halo enkontru ho estrutura foun F-FDTL ho objetivu hadi’a dezenvolvimentu FALINTIL Forsa Defeza Timor-Leste (F-FDTL), iha futuru.
“Imi hatene katak ita nia Komandu jerál agora Falur, Maiór Jenerál Coliate ho Xefe Estadu Maiór Komodoru Pedro Klamar Fuik tantu Primeiru Ministru hakarak halo enkontru ho ami hotu hodi ko’alia kona-ba polítika Governu nian kona-ba dezenvolvimentu F-FDTL nian ba oin liuliu ba área sira ne’ebé mak preokupante liu ba ita,” dehan Ministru Defeza (MD), Filomeno de Jesus Paixão, ba jornalista sira iha Palásiu governu, sesta (25/02).
Ministru Defeza hatete, enkontru ne’ebé atu halo ne’e importante tebes hodi bele rezolve ka hadi’a frakeza hirak ne’ebé durante ne’e mosu iha Instituisaun F-FDTL liu-liu difikuldade ne’ebé ba komponente naval no aero hasoru.
“Haree mós ba ita nia prosesaun F-FDTL ba oin ne’e halo nusa, ohin ko’alia kona-ba parte terrestre, aero no Navál, preokupante liu mak parte naval, terrestre maizumenus ita Kontrola, aero ke ita la kontrola tanba ema la iha maibé ida situasaun ladún di’ak mak iha parte naval, liu-liu kosta súl ne’ebé mak ita la konsege Kontrola, tanba ne’e ami sei halo reuniaun para ami sei haree ba oin,” nia dehan. (Lee notisia seluk iha jornal Timor Post/asesu you tube Timor Post)
1,666 total views, 3 views today
Bele hare Video Seluk :