(Reportajen Jeremias Soares/ Editor Mateus da Cruz)
Dili (Timor Post)-Relasiona ho udan boot iha tersa no kuarta kalan hodi rezulta salas Eskola Sekundária Téknika Vokasionál Hera hetan estragu, Ministru Edukasaun Juventude no Desportu, Armindo Maia, hatete, iha loron Tersa (22/02) nia parte tun kedan ba fatin akontesimentu hodi observa direta kondisaun eskola refere, nune’e mós informa ona ba Konsellu Ministru.
“Ohin iha reuniaun Konsellu Ministru, ha’u informa ona kona-ba situasaun Eskola Sekundária Téknika Vokasionál Hera, husi Ministériu Edukasaun labele halo buat ida, tanba ne’e presiza ekipamentu pezadu, ne’ebé mak agora daudaun IGE parese iha rua iha ne’ebá, hodi normaliza mota ne’e, ” nia informa asuntu ne’e hafoin remata reuniaun Konsellu Ministru, iha Palásiu Governu, Kuarta (23/02).
Nia hatete, daudaun ne’e ministériu obra publika esforsu hela normaliza bee dalan iha fatin ne’ebé tanba ne’e bainhira konsege normaliza duni maka laiha problema maibe bainhira labele entaun governu sei buka dalan seluk.
“Se Obra Publika konsege normaliza bee dalan iha garantia, problema mak agora daudaun harii edifísiu foun rua iha ne’ebá, ida ha’u haree serka 10 metru husi mota ibun, ida fali dook oituan, ne’ebé ha’u hanoin ha’u labele foti lai desizaun, ita haree took, se Obra Publika konsege normaliza no laiha perigu, entaun ita nafatin kontinua, se lae ita buka fatin seluk,”nia afirma. (Lee notisia seluk iha jornal Timor Post/asesu youtube Timor Post)
971 total views, 6 views today
Bele hare Video Seluk :
Subscribe to Timorpost
