(Reportajen Jaime Pires/Editor Mateus da Cruz)
Dili (Timor Post)-Esforsu hosi ekipa Institutu Jestaun Ekipamentu (IJE I.P), hodi hasai mákina escavator rua ne’ebé mout iha mota Hera, konsege hasai ona mákina ida maibé mákina ida seluk seidauk konsege hasai tanba rai taka maka’as no volume bee mota kontinua boot.
Prezidente Institutu Jestaun Ekipamentu (IJE I.P), Hermenegilda da Costa Lairentina, ba Timor Post, via telefone, hatete, horisehik dadeer nia orientá ekipa lori kedas makina pezadu tolu hanesan Excavator PC 200 ida, Excavator long ida ho loader ida ba iha Hera hodi hasai makina rua ne’ebé mak mota lori.
Maibé nia dehan horisehik dader ne’e ekipa IJE la konsege hasai tanba volume mota kontinua boot, to’o fali lorokraik maka ekipa konsege hasai duni mákina ida enkuantu ida seluk seidauk tanba rai taka metin.
“excavator rua konsege dada sai ona makina ida no ida seluk seidauk tanba rai taka maka’as no volume bee kontinua boot, entaun orsida foin bele hasai,” nia dehan.
Makina rua ne’ebé mak mota lori ne’e, ida kondisaun di’ak hela, maibé ida seluk ne’e att ona, tanba mekanika sira koko halo moris maibé la moris.
Eskavator rua ne’e tau iha Hera besik fulan ida ona tanba, excavator rua ne’e ida desvia bee no makina loader normaliza mota iha fatin refere. Makina rua ne’e para dook husi mota maibé la espera udan boot halo bee mota sa’e maka’as hodi halo mout tiha makina rua ne’e. (Lee notisia seluk iha jornal Timor Post/asesu youtube Timor Post)
1,084 total views, 6 views today
Bele hare Video Seluk :
Subscribe to Timorpost
