ADVERTISEMENT

Vítima Inséndiu Merkadu Manleuana Seidauk Hetan Apoiu Hosi Governu

Mateus da Cruz - Dili
  • Share
Ekipa Bombeirus halo hela atuasuan hodi hamate ahi iha insendiu Merkadu Manleuana, (14/2), Foto TP/Maria Lizia

(Reportajen Cardenio Alves/Editor Mateus da Cruz)

DILI (Timor Post)-Hafoin akontesimentu ahi han Merkadu Manleuana iha dia 14 Fevereiru, to’o agora  vítima na’in 35 ne’ebé sofre iha inséndiu ne’e seidauk hetan apoiu hosi governu no entidade ruma.

ADVERTISEMENT
SCROLL FILA BA NOTISIA


” ami hatama  ona dadus vitima sira nian no sasán ne’ebé hetan estragu ba iha Presidente Autoridade Munisípiu Dili, (AMD), maibé to’o ohin loron  seidauk hetan ajuda ruma  husi governu no entidade ruma”, dehan Xefe Jestaun Merkadu Manleuana Julio Barros,  ba Jornalista sira iha nia knaar fatin, Merkadu Manleuana Dili, Sesta ( 18/02).

Julio, hatete, momentu akontesimentu iha  ministru balun mak tun ba hare vítima sira maibé hafoin ne’e nia seidauk hetan kontaktu ruma hosi governu kona-ba atu apoiu ba vítima sira.

Lee Mós :
Fahe Aihan Serve ba Animal, KAK Hapara Distribuisaun Sesta Bázika iha Komoro

Alende la hetan apoiu, nia mós preokupa to’o ohin loron governu seidauk mai hadi’a fila fali hafoin akontesimentu inséndiu ne’e.

“Depois iha Inséndiu ne’e Vendedór sira loron ba loron preokupa tebes ho sira nia fatin tanba parte governu seidauk halo reabilita fali sira nia fatin ne’e”, Relata nia.

Nia sujere ba governu atu fo apoiu emergensia ba vitima sira atu nune’e sira rekupera fila-fali hodi hala’o sira negósiu hanesan baibain tanba vendedór sira ne’e barak maka  hala’o negósiu iha merkadu Manleu kuaze tinan barak ona no sira la espera atu akontese hanesan ne’e.

Iha fatin hanesan, vítima Tereza da Silva, husu ba governu atu tulun sira hodi bele reativa sira nia negósiu.

Lee Mós :
Igreja Katolika Husu Sarani Fó Valor ba Loron Pentekoste

“Ha’u husu ba governu atu tulun ami atu nune’e ami bele hala’o ami nia moris hanesan baibain hodi bele sustenta moris loro-oron nian,” nia husu.

Alende  ne’e, Vítima inséndiu Leolinda Maria Soares, triste tebes tanba roupa ne’ebé sira fa’an ahi han mutuk hotu.

“Ha’u rasik lahatene, bombeirus rega hotu ona ahi maka ami foin mai husi uma, haree sasán no fatin ahi han mutuk ona,”nia hatete ho triste.

Antes ne’e, Sekretáriu Estadu Protesaun Sivíl (SEPS), Joaquim José Gusmão dos Reis Martins, dehan, SEPS sei la apoiu nesesidade urjente hanesan ai-han no la’ós ai-han  ba vítima sira hosi inséndiu OB Merkadu Menleuana.

“Fatin ne’e la’ós uma no ema la hela iha ne’e, fatin ne’e khusus ba fa’an obralan de’it, entaun ita labele apoiu sasán emerjénsia hanesan ai-han no la’ós ai-han, maibé ne’e la’ós uma entaun parte seluk mak haree fali,” nia dehan ba Jornalista sira hafoin ba observa direta fatin inséndiu iha Merkadu Manleuana, Segunda (14/02), dadeer ne’e.

Lee Mós :
La Akontese Insidente Iha Tasi Laran Durante Selebrasaun Natál

Entretantu inséndiu iha Merkadu Manleuana iha loron Segunda (14/02) dadeer kauza hosi Sirkuitu Eletrisidade, hodi fo impaktu barraka 35 mutuk.

Inséndiu ne’ebé akontese  ne’e la’ós akontese ba merkadu Manleuana tomak maibé iha area estrada iha fatin ne’ebé parkiran husi mikrolete 03 nia fatin.

 1,324 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Vítima Inséndiu Merkadu Manleuana Seidauk Hetan…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No