(Reportajen Jaime Pires/Editor Mateus da Cruz)
Dili (Timor Post)- Sekretáriu Estadu Protesaun Sivíl (SEPS), Joaquim José Gusmão dos Reis Martins, dehan, SEPS sei la apoiu nesesidade urjente hanesan ai-han no la’ós ai-han ba vítima sira hosi inséndiu OB Merkadu Menluana.
“Fatin ne’e la’ós uma no ema la hela iha ne’e, fatin ne’e khusus ba fa’an obralan de’it, entaun ita labele apoiu sasán emerjensia hanesan ai-han no la’ós ai-han, maibé ne’e la’ós uma entaun parte seluk mak haree fali,”nia dehan ba Jornalista sira hafoin ba observa direta fatin inséndiu iha Merkadu Manleuana, Segunda (14/02), dadeer ne’e.
Nia dehan, husi protesaun sivíl apoiu de’it maka Bombeirus mai hodi hamate ahi, tanba iha fatin insendiu ne’e la rezulta ema ruma lakon vida maibé ahi han ropa maka barak ho salon ida.
Enkuantu ba vitíma sira ne’ebé nia sasan ahi han mutuk parte Ministeriu Turizmu no Komérsiu mak sei haree oinsá bele apoiu fali Vitíma sira ne’e, maibé Protesaun Sivíl nia mak apoiu de’it Bombeirus ne’e.
Kona-ba kondisaun fatin ne’ebe hetan estragus, nia dehan, governu sei normaliza fila fali fatin ne’ebe ahi han atu nune’e negosiante sira bele mai halo fali sira nia atividade normal hanesan baibain.
Enkuantu tuir dadus fatin OB ne’ebé mak Ahi Han hamutuk (35) inklui ho salon ida, inséndiu ne’e akontese tanba sirkuitu husi eletrisidade. (Lee notisia seluk iha jornal Timor Post/asesu youtube Timor Post)
926 total views, 3 views today
Bele hare Video Seluk :
Subscribe to Timorpost
