Dili (Timor Post)- Vise Ministru Interior (MI)António Armindo deklara, governu sei rekruta tan membru Polisia Nasionál Timor-Leste (PNTL) hamutuk na’in-720.
Nia dehan ba jornalista sira iha nia servisu fatin, Villa-Verde, sesta (11/02) dadeer ne’e, hafoin ba konfirma asuntu refere.
“Ha’u lakohi atu ko’alia, saida mak primeiru Ministru (PM), nu’udar Ministru Interior ko’alia, mais ha’u hanesan Vise-Ministru interior jatamente tinan ne’e la rekruta tinan oin tenke rekruta, tanba Ita haree ba realidade ne’ebé mak iha polísia hasoru ona problema ne’ebé boot, ida sira menus ona sira nia ema, kuantidade ema la prense ona,” Dehan António.
MI esplika, tanba ne’e tuir nia hakarak tinan ne’e karik la halo rekrutamentu tinan oin 2023 tenke halo ona rekrutamentu.
“Ba ha’u pesoal tenke rekruta, di’ak liu ita rekruta iha 2022 ne’e, mais tanba ita la konsege entaun pelumenus rekruta ona iha 2023, sei halo rekrutamentu ba membru 720,” Nia esplika.
Nia hateten tan, orsamentu ba rekrutamentu ne’e lori ona bá Komisaun Revizaun Orsamentu Polítika (KROP) iha tinan kotuk, portanto la konsege, parese proposta mai husi komandu no husi Ministeriu Interior nia montante sei hanesan.
“Tanba ema menus ona, ne’ebé kuantidade ne’ebé ita aprezenta iha KROP, 2023 ida ne’e mak sei propoin, maske nune’e koalia parte ha’u nia de’it maibé ha’u sei konsulta lai ho PM nu’udar MI , nia konkorda ka la konkorda, tanba naturalmente lá’os ha’u nia desizaun ne’e (MI) nia desizaun,” Nia hakotu.
Jornalista: Jaime Pires
1,590 total views, 3 views today
Bele hare Video Seluk :