Dili (Timor Post)- Prezidente Komisaun Funsaun Públika (KFP), Faustino Cardozo hatete, Lei la fó dalan ba funsionariu Kontratadu sira atu sai permanente.
Nia dehan, maibé Funsionariu Kontratadu sira bele konkore fali vaga liuhusi Ministeriu sira ida-idak depois liu iha selesaun mak bele sai Funsionariu permanente.
“Funsionariu Kontratadu sira bele to’o ona tinan tolu ka haat mós sira labele sai funsionariu permanente, maibé sira ne’e liu fali husi vaga iha Ministeriu idak-idak mak sira liu bele, maibé ba direita lei fó dalan,” dehan Nia enkontru nivel Diretor jerál no administradór postu no Munisípiu inklui Prezidete Autoridade sira, iha Salaun Ministerial Finansas Aitarak-Laran, segunda (07/02).
Nia hatutan, maibé kuandu liuhusi vaga funsionariu Kontratadu sira mós iha direitu hanesan ho sidadaun baibain atu konkore vaga ne’e hafoin bele ba iha funsionariu permanente.
“Tanba Funsionariu públiku ne’e tenke liuhusi konkursu públiku la’ós liuhusi konkursu interna, ne’ebé dalan mak ohin esplika ne’e,” Nia esplika.
Nia mós rona Funsionariu kontratadu agora barak loos, maibé Kontratadu ida ne’ebé, kontratadu nu’udar ajente administrasaun publikas ka kontratadus nu’udar kazuais.
“Ita nia lei la fó dalan atu husi kazuais otomatikamente atu sai ajente administrasun públiku depois husi ajente administrasun públiku sai funsionariu permanente, pensamentu linear ida ne’e laiha iha ita nia rejime funsaun públika Timor-Leste ninian,” Nia hakotu.
Jornalista: Jaime Pires
3,370 total views, 3 views today
Bele hare Video Seluk :
Subscribe to Timorpost
