ADVERTISEMENT

Konferensia CNRT, Xanana Fó Bensa no Futu Horta Ba Prezidente Repúblika

Timor Post - Dili
  • Share
Kay Rala Xanana Gusmão nia Kandidatura maka Ramos Horta

(Reportájen Jaime Pires/Editora Suzana Cardoso)

DILI  (Timor Post) -Konferensia Nasionál Partidu CNRT, deside Kay Rala Xanana Gusmão fó bensa ba Premiadu Nobel da Paz, José Ramos Horta, hodi Futu hasoru kandidatu husi partidu seluk ba Prezidete Repúblika Periodu tinan 2022_2027.

ADVERTISEMENT
SCROLL FILA BA NOTISIA


Lee Notísia Relevante: Entre Horta-Alexandrino Sei Kompete Xanana Nia Bensa Iha Konferensia CNRT 

Konferensia Partidu CNRT, lideradu husi Kay Rala Xanana Gusmão ne’e, hala’o iha Salaun OKA, Osindu I, Domingu (23/01) ne’e, hodi hili figura ida reprezentante partidu CNRT, atu Kompete iha eleisaun prezidensiál 2022 nian.

Lee Mós :
Prezidente Repúblika Preokupa Taxa Importasaun

Iha konferensia Nasionál ne’e, konferesista husu Munisípiu-12 inklui Rejiaun Administrativu Espesial Oe-Kusi Ambeno (RAEOA), deside ona José Ramos Horta reprezentante partidu CNRT hodi Kompete iha eleisaun prezidensiál.

Konferensia ne’e rasik, lidera husi Prezidete Partidu CNRT, Kay Rala Xanana Gusmão hamutuk ho membru CPN-CNRT inklui estrutura husi Munisípiu postu no suku sira.

Hafoin hili tiha Ramos Horta ba kandidatu CNRT ba Prezidete Repúblika, CNRT mós rekomenda pontus neen, hodi Horta tenke prenxe rekezitus hirak  mak hanesan tuir mai ne’e:

PR eleitu komprometidu atu respeita no halo tuir deit saida maka Konstituisaun RDTL haruka;

Lee Mós :
Traballadór Na’in 135 Partisipa Treinamentu Preliminár Iha Senai Becora

PR eleitu komprometidu atu hatuur fali orden konstitusional ne’ebe politiku má-fé sira sobu no estraga tiha ona;

PR eleitu komprometidu atu hatuur hikas lejitimidade no dignidade orgaun Parlamentu Nasional ne’ebe partidu ambisiozu sira halo Asaltu Poder hodi sobu orgaun ida ne’e iha 19 Maiu 2020;

PR eleitu komprometidu atu restaura fali lejitimidade no funsionamentu normal orgaun Governu ne’ebe dezde 2020 la-funsiona ho normal ne’ebe rezulta ekonomia rai laran hakdasak ba beibeik;

PR eleitu komprometidu atu halo reforma iha setor judisiariu nune’e bele garante no asegura aplikasaun Lei no Orden, liu-liu bele garante justisa tuir Konstituisaun no Lei sira haruka;

Lee Mós :
PR Horta Husu Governu Kria Lei Próteze Direitu Traballadór Doméstiku

PR eleitu komprometidu atu lahalo Prezidensia Republika sai fali opozisaun ba Governu, nune’e Governu tuir mai bele atinje estadu tomak nia objetivu atu dada Kadoras Greater Sunrise mai Timor-Leste.(Lee notísia seluk iha Jornál Timor Post/Asesu you tube Timor Post)

 

 715 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konferensia CNRT, Xanana Fó Bensa no Futu Horta…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No