Dili (Timor Post)—Partidu CNRT marka tiha ona loron 23 Janeiru 2022 hala’o konferénsia nasionál hodi diside kandidatura Prezidente Repúblika ba periodu 2022-2027.
Konferénsia sei hala’o iha Salaun OKA-Rudal, Osindo I, Dili no dirize husi Prezidente Partidu CNRT, Kayrala Xanana Gusmão.
Komisaun Polítika Nasionál (CPN sigla Portugués) iha loron 17 Janeiru 2022 estabele tiha ona Komisaun Organizadora ba Konferénsia ne’e, konvoka estrutura no kuadrus partidu husi munisípiu, postu administrativu no nurep sira, ho kompozisaun delegadus estrutura munisípiu na’in-12 inklui konsilleru munisípiu, delegadu CDN munisípiu na’in-2, delegadu estrutura postu administrativu na’in-6 inklui konsilleru postu administrativu no delegadu kada nurep na’in-2 kompostu husi koordenador no sekretáriu.
Tuir informasaun ne’ebé Timor Post assesu haktuir, delegadu sira hotu marka prezensa iha Dili iha loron 22/01/2022 hodi partisipa konferénsia nasionál iha loron tuir mai. (cao)
1,270 total views, 3 views today
Bele hare Video Seluk :
Subscribe to Timorpost
