Jornalista Jaime Pires / Editór Noémio Falcão
Dili (Timor Post)—Númeru moras denge iha semana hirak ikus ne’e rejista aas iha ospitál nasionál no klínika sira iha Dili. Dadus ikus husi parte saúde rejista ona ema mate maioria labarik kuaze na’in-10.
Hatan ba kestaun ne’e, Ministru Prezidénsia Konsellu Ministru (MPCM sigla Portugués), Fidelis Leite Magalhães hatete, númeru moras denge sa’e maka’as tanba komunidade laiha konsiénsia ba ambiente moos.
“Ezemplu ida ita ba iha Metiaut de’it iha ne’ebá ne’e ita triste tanba dala barak alin foinsa’e sira mak uza fatin sira ne’e, maibé depois so’e hela The Botol ninia fatin, aqua fatin iha fatin sira ne’ebá no mós iha fatin barak iha sidade laran,” Fidelis hatete ba Jornalista sira iha Palásiu Governu-Dili, Kuarta (12/01/2022)
Fidelis dehan, moras denge moras ida ne’ebé mai husi susuk no la’ós pandemia, Ministériu Saúde halo ona esforsu oinsá atu redúz moras ne’e maibé komunidade mos tenke kontribui liuliu labele so’e lixu arbiru.
“Denge ne’e saúde de’it la to’o, presiza sidadaun hotu nia kolaborasaun, tanba Denge ne’e susuk ida ne’ebé moris iha bee lihun moos sira. Tanba ne’e mak importante kuidadu ho lixu sira labele so’e arbiru, liu liu akua fatin sira, jerigen iha fatin fatin,” Fidelis subliña.
1,034 total views, 3 views today
Bele hare Video Seluk :