ADVERTISEMENT

Aban, CNRT Diskuti Assuntu Haat inklui Preparasaun ba ElPrez

  • Share
Foto Espesial

Klarifikasaun: Kontiudu husi notísia ne’e loloos maka Reuniaun ne’e organiza husi Lospalos oan sira, la’ós Sekretáriu Nasionál Partidu CNRT. Redasaun hadi’a fali ona iha notisia edisaun 12/01/2022. Ba fallansu ne’e Redasaun husu Deskulpa.

Dili (Timor Post)—Partidu CNRT (Congresso Nacional de Recontrução de Timor-Leste) marka tiha ona ajenda iha loron Kuarta (12/01/2022) diskuti assuntu haat iha Salaun Incanto Resort, Lesidere-Dili.

Assuntu haat ne’e mak hanesan, mapeamentu ba eleisaun, konsolidasaun iha baze, alokasaun kuadrus no militantes, simpatezantes pessoal ba postu no suku hodi reforsa estrutura munisípiu no preparasaun ba eleisaun prezidensiál 2022-2027.

ADVERTISEMENT
SCROLL FILA BA NOTISIA


Lee Notísia Relevante: CPN-CNRT Seidauk Organiza Reuniaun Kona-ba Preparasaun   Ba Eleisaun Prezidensial

Informasaun ne’ebé Timor ost rekolla haktuir, Sekretáriu Nasionál Partidu CNRT distribui ona konvite ba membru CPN tomak hodi marka mos rezensa.

Lee Mós :
Angela: Lú-Olo ho Taur La Merese Kaer Ukun tanba Viola Konstituisaun

Reuniaun ne’e organiza husi Konsellu Polítika Nasionál (CPN-CNRT).

Entretantu Prezidente Repúblika Francisco Guterres Lú Olo iha loron 6-7 janeiru 2022, rona ona partidu polítiku sira ho asentu iha Parlamentu Nasionál hodi hatene sira-nia hanoin kona-ba data eleisaun prezidensiál ne’ebé sei akontese, pelu menus, loron neen nulu, molok Prezidente atuál ramata ninia mandatu iha 20 maiu 2022.

Prezidente Repúblika hala’o knaar ne’e tuir artigu 12 husi Lei númeru 7/2006, 28 dezembru, ho alterasoins susesivas ba Lei ne’e, katak, molok dekreta data eleisaun, tenke rona uluk Governu no partidus polítikus ho asentu iha Parlamentu Nasionál.

Iha oportunidade, Prezidente Repúblika apela ba partidu polítiku hotu-hotu atu kontinua kumpre nafatin medidas prevensaun ba Covid-19 tanba eleisoins prezidensiais sei akontese iha tempu ne’ebé mundu enfrenta dadaun variante foun, Omicron.

Partidu sira asentu iha Parlamentu Nasionál inklui Partido Democrático (PD), Partido da Libertação Popular (PLP), Frente Mudança (FM), Frente Revolucionária de Timor-Leste Independente (FRETILIN), Partidu Unidade Dezenvolvimentu Demokrátiku (PUDD), Congresso Nacional para a Reconstrução de Timor-Leste (CNRT), Kmanek Haburas Unidade Nasional Timoroan (KHUNTO) no União Democrática Timorense (UDT).

Lee Mós :
AJTL, OXFAM no KATL Husu Governu Prioritize Setór Agrikultura

Molok halo enkontru ho líderes partidus polítikus sira-nian, Prezidente Repúblika rona tiha ona Governu, liuhusi Primeiru-Ministru, Jeneral Taur Matan Ruak no Ministru Administrasaun Estatal Miguel Carvalho.

Prezidente Repúblika rona mós Comissão Nacional de Eleições (CNE) no Secretariado Técnico de Administração Eleitoral (STAE) kona-ba preparativus ba eleisaun prezidensiál 2022.

Ba eleisaun prezidensiál tinan ne’e, númeru sentru votasaun no estasaun votu sei aumenta iha territóriu Timor-Leste tomak. Ba eleisaun antesipada 2018, iha sentru votasaun 885. Ba eleisaun prezidensiál 2022, sentru votasaun sei aumenta ba 1200. Númeru estasaun votu sei aumenta husi 1260 (iha 2018) ba 1500, iha tinan 2022.

Lee Mós :
Executivo aprova atribuição de subsídio a jornalistas que cobrem CIGC

Hasa’e númeru sentru votasaun no estasaun votu permite hakbesik liután fatin votasaun ba eleitór sira no nune’e, maioria ho otas 17 ka liu, ne’ebé rejista iha STAE, bele ezerse sira-nia direitu atu hili Prezidente Repúblika ba mandatu 2022-2027. Nune’e, taxa partisipasaun eleitór sei sa’e iha eleisaun tuir mai.

Ho númeru sentru no estasaun barak liu, númeru votante iha fatin ida-idak sei menus. Tanba buka hamenus númeru eleitór halibur iha fatin ida, Governu Timor-Leste foti medida di’ak ida atu proteje mós ita nia ema husi vírus moras Covid-19 nian, ne’ebé sei la’o nafatin iha mundu, ho variante oioin. (cao)

 832 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aban, CNRT Diskuti Assuntu Haat inklui Preparas…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No