Dili (Timor Post)—Prezidete Partidu Demokrátiku (PD) Mariano Assanami Sabino ho Prezidente CPN Adriano do Nascimento sei kompete iha konvensaun nasionál Partidu Demokrátiku (PD) ne’ebé sei realiza iha loron 15 Jameniru 2022.
Líder PD rua ne’e indika ona husi konsellu suerior partidu nian hodi kompete iha konvensaun nasionál.
Liuhusi konferénsia ba imprensa, Segunda (10/01/2022), iha Sede Nasionál PD, Assanami ho Adriano subliña, kandidatu ba prenzidente repúblika la reprejenta PD.
Assanami dehan, pozisaun ida ne’e dezde Saudozu La Sama nia tempu mos PD deside nia ema ba Estadu.
“Kandidatu PD dezde uluk Lasama nia tempu nunka uza simbolu partidu, ne’ebé sei tun ba kampaña uza de’it simbolu RDTL , signifika bele kandidatu-an ho independente,” Assanami dehan.
Adriano konvensaun nasionál nu’udar norma legal ida ne’ebé tenke jere kandidatura iha partidu demokrátiku.
“Karik líder ruma liuhusi kompetensia konvensaun nasionál mak la manán nia tenke submete maibé kuadrsu militantes ka líder ruma deklara fali iha li’ur sai kandidatura independente ne’e la’ós PD nia ema no la’ós líder PD,” Adriano subliña.
552 total views, 3 views today
Bele hare Video Seluk :