ADVERTISEMENT

Majór Moises Guimarães husik Hela Nia Kaben ho Oan Na’in-7

Timor Post - Jeral
  • Share

DILI—Majór Infantaria Xefe Divizaun Informasaun Militár /J2, FALINTIL-Forsa Defeza Timor Leste (F-FDTL), Majór Mosés Guimarães alias PIKSY MAU hakotu iis iha loron Kuarta (05/02/2020) iha oras 16.28 lorokraik, iha nia rezidénsia Kampung Tuti, Bebonuk, Dili, deskonfia moras diaria.

Matebian husik hela fen kaben Joana Soares ho oan na’in-7, mane na’in-3 no feto na’in-4.

ADVERTISEMENT
SCROLL FILA BA NOTISIA


Biografia – MOISÉS GUIMARÃES – PIKSY MAU

Moisés Guimarães ho kódigu Piksy Mau, moris iha Lore I, Postu Administrativu Lospalos, Munisípiu Lautem, iha loron 15 maiu 1963. Moris husi família agrikultór João Baptista no Lorenço Guimarães. Maun alin hamutuk nain 12. Sa’e ba ai-laran hamutuk ho maun alin nain tolu maibé sira nain tolu mate hotu, hela deit Piksy Mau ne’ebé reziste tinan 24 to’o Timor-Leste ukun rasik-an.

Lee Mós :
Padre Felgueiras completa 100 anos Isabel: Mestre, professor e bom pastor

Iha 1974 to’o 1975, frekuenta eskola primária iha Lospalos. Invazaun Indonézia nian ba Timor-Leste iha 7 Dezembru 1975, husik nia la konsege finaliza nia estudu no hela deit ho 2¬a klase. No hahú tama ba Organizasaun Populár Juventude Timor (OPJT) no kontinua enkaixa kedan iha seguransa Auto Defesa Arma Branca, no evakua ba ai-laran halo rezisténsia to’o 1999.

Lakon nia maun alin nain tolu iha ai-laran no nia familia iha vila deztera ba Ataúro no ba Caelaco, halo nia determinadu liu tán atu kontinua funu to’o hetan ukun-rasik-an.

Lee Mós :
Partidu Republikanu Hametin Forsa Enfrenta Festa Demokrasia

Piksy Mau funu ho postu soldadu to’o 1997. No iha 1998 to’o 1999 asumi kargu Komandante Seksaun.

Rejista mós katak iha1982-1984 Piksy Mau hetan fi’ar nu’udar eskoltu ba Komisáriu Polítiku Maubelis. Hafoin ne’e, involve fali iha grupu Koto Moruk hodi halo ligasaun ho Kruzeiru no Sentru hodi asegura movimentu Komandante em Xefe das Falintil Kay Rala Xanana Gusmão.

Iha tinan 2001, Piksy Mau tama Instituisaun F-FDTL no hafoin liu husi dalan naruk ohin loron hetan diviza Maijór.

Piksy Mau foin forma família iha 2002 no iha oan na’in-hitu. Hanoin fali funu naruk ne’ebé nia halo, nia halo esforsu oioin hodi investe ba nia oan sira nia edukasaun, atu nia oan sira bele kontribui ba nasaun tuir dalan ne’ebé nia hahú tiha ona.

Lee Mós :
Governo pondera abate de árvores velhas na capital

Iha loron 19 Maiu 2007, veteranu Piksy Mau hetan kondekorasaun Orden Gerilla husi Estadu Timor-Leste, rekoñese nia involvemente iha Frente Armada durante tinan 24.

No iha 28 Novembru 2019, hetan kondekorasaun Medalla Ordén Timor-Leste husi Prezidente Repúblika, Francisco Guterres Lú Olo. (cao)

 692 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Majór Moises Guimarães husik Hela Nia Kaben ho …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No