(Jornalista Jaime Pires/Editor Agostu Sarmento)
DILI (Timor Post) – Sekretáriu Jerál partidu FRETILIN, Mari Alkatiri hatete, molok tama ba tinan 2023 sira na’in sanulu inklui Kay Rala Xanana Gusmão tenke tuur hamutuk.
Nia dehan lia hirak ne’e ba jornalista sira iha Benfika, hafoin halo presta omenajen ba jornalista senior Maxthal nia Akudesan, kuarta (15/12).
Hafoin jornalista sira husu, tama ona ba eleisaun prezidensiál 2022 no eleisaun parlamentár iha tinan 2023 maibé nia hatán katak ho lider Karizmátiku Kay Rala Xanana Gusmão kontinua mosu diferente polítika.
“Ha’u la hatene se mak Karismatiku se mak la Karismatiku, ba ha’u presiza iha intendimentu alargadu, la’ós ha’u ho Xanana, Xanana ho ha’u hotu ona,” afirma Alkatiri.
Eis Primeiru Ministru ne’e reforsa, maibé ba líder sira ne’ebé mak moris husi 1974 – 1975, mai to’o 1983 – 1987 ne’e tenke tuur hamutuk.
“Ami Hamutuk na’in sanulu iha ne’e, tenke tuur hamutuk halo intendimentu alargadu ida, la’ós ami na’in rua Xanana de’it mak tuur hamutuk, maibé ami na’in-10,” deklara Alkatiri.
“Sé tinan 2022-2023 mak la tuur hamutuk ona, sei fahe malu dook liután ona, ne’e ko’alia honestidade” dehan lider nasionál ne’e.
“Tanba ne’e antes eleisaun Parlamentár iha tinan 2023 tenke iha biti boot ida atu ami na’in-10 ka na’in-5 ne’e tenke tuur hotu hodi ko’alia, la’ós ha’u ho Xanana de’it,” Nia deklara. (Lee Notisia Seluk Iha Jornal Timor Post/Asesu Televizaun Timor Post iha You tube Timor Post)
1,136 total views, 3 views today
Bele hare Video Seluk :
Subscribe to Timorpost
