Dili (Timor Post)—Traballadór Germenino de Deus ne’ebé rai lakan fera ho nia maluk timoroan na’in-rua iha Austrália, hakotu iis iha loron 27/11/2021.
Germenino de Deus, Filomeno de Deus ho Joanico Piedade hetan insidente ne’e iha loron 23/11/2021 bainhira hala’o hela servisu iha tós laran empreza TMP, Berry Springs.
Komunikadu ba imprensa husi Embaixada Timor Leste iha Austrália haktuir, hafoin insidente ne’e, sira na’in-tolu evakua kedas ba ICU Ospital Royal Darwin. Filomeno ho Joanico sai husi ospital iha loron tuir mai, maibé Germenino to’o iha ospital uza kedas mákina durante oras 72 maibé la konsege salva.
Komunidade Timorense iha Darwin liuhusi misa ne’ebé dirize husi Bispu rai ne’e ba selebrasaun loron Proklamasaun Independénsia 28 Novembru ba-dala-46 hasa’e mós misa ba matebian Germenino.
Autoridade iha Darwin servisu hamutuk ho Konsuladu-Jerál Timor Leste nian prosesa daudauk transportasaun mate-isin Germenino hodi entrega ba família iha Timor Leste. (cao)
1,089 total views, 3 views today
Bele hare Video Seluk :